#حب_في_المقابر
بقلم✏: زهرة العمر
💔 بارت : 9 💔
ياسر : المهم .. على الاغلب نت مكنضنش واش كتعرفني و اكيد متعجب من زيارتي ليك .... المهم انا ياسر رضوان او بالاحرى ياسر ال خالد ..... نعاود ليك باش تفهم .... قبل اربع ايام الوليدة الله يرحمها كانت مريضة بزاف وكانها حسات بالموت وقررات تعاودلي كل ما يتعلق بمضيها المرير وسبب هروبها وهروب مك حتى هي ... ولي هي لعنة شهرزاد .... وهاد اللعنة ( قاطعو جهد )
جهد : كتلاحق كل بكر فعيلة ال خالد
ياسر : تماااماااا ..... لمهم بان لي نت عندك دراية بالموضوع كتر مني
جهد : وي انا نفسر ليك ...... ( وبدى كيعاود ليه منهار تلاقة بالماس حتى لدابا ) هادا مكان
ياسر : (رجع راسو للور كيحاول يستوعب لي قال جهد ) واشنو المطلوب مني
فهاد لحضة تحل الباب ودخللات بنت لابسة خمار اسود ومكايبان فيها والو من وراها سكريتيرة كتعطيط
سيكريتيرة : مسيو جهد حاولت نمنعها مي مكتسمعش
جهد : يمكن ليك تمشي
اما الماس كيف بانت لها عرفاتها ريماس نقزات عندها عنقاتها ...... و فنفس الوقت ضرب البرق و كاع الاتات كيتململ حتى ضهر ضباب اسود تمتل فشهرزاد لي بان جسدها من ورى داك الضباب
ياسر : بقى غا كيشوف
اما جهد صافي تعود ولا كيجيه كلشي عادي جرات الماس ريماس كلسو حدى بعض وجات شهرزاد كلسات مقابل ليهم
ساد صمت بعض لحضات
ريماس : كنت كتقول اشنو المطلوب منك ( كلامها خلا الكل يشوف جيهتها وخصوصا ياسر لي ركز مع نبرة صوتها وكان باين بلي كلامها موجه ليه .... من بعد ما شاف فيها ركزات الشوفة فعينيه ودوات بصوت حاد كانه ناقوس ) ساهلة من بعد تلتيام غتزوج بيا
ياسر : ....
ريماس : والا مابغيتش فخوك غيقولك مصيرك دون لف ودوران
شهرزاد : لمهم لعنة رطابطات بيكم نتوما بربعة ..... وكيف قلت نهايتها غتكون بزواجكم نت وريماس و الماس تولد بنت عاد غنتهناو وكل واحد غيكمل حياتو كيف بغ ..... الماس سلميني القلادة
ياسر : ( بقى مركز معاها الشوفة ومع الماس حاير فتشابه الكبير لي بينهم على مكال جهد الماس و ريماس توام زعما يكونو كيتشابهو بعد تفكير شاف فشهرزاد ودوى )ممكن نعرف شكون نت
شهرزاد : شهرزاد بشحمها ولحمها لي عاودت ليك عليها مك
ياسر : ياك متي
جهد : ياسر هادي هي لي عاد كنا ندويو عليها
ياسر : احم وي وي تفكرت .... دابا كيف قالت الانسة ولي اكدتو عليه حتى نتوما اني خصني نتزوج بيها
جهد : تماما
ياسر : ( شاف فريماس ) موافق
ريماس : مدام هكا مزيان .... مزيان ملي فكرتي بعقلك وخديتي القرار الصحيح ... ووفرتي الوقت علينا وعليك
جهد : أدا على بركة الله
شهرزاد : ( وقفات ) ادااااا موعدنا فالمقبرة من دابا تلت ايام( حاط بيهاااا ضباب من كل جهة وهووب ختافات كيف العادة )
ريماس : يلاه باااي نتلاقاو منهنا لتلت ايام
الماس : كلسي معانا ا حبيبة فين غادة
ريماس : ( شدات وجه الماس بين كفوفها ) حبيبتي نت عارفة القوانين يعني منحتاجش نشرح ليك .... ان شاء الله غير نتزوج وهنا معاك تفاهمنا
الماس : ( عنقاتها بجهد ) كنتسناك
خرجات ريماس تحت نضرات ياسر لي معرفش علاش ولا كفاش نجادب ليها .... اما ريماس كيف سدات الباب تكات عليه وحطات يديها على قلبها لي كان لاعب المراطوون
ريماس : اياااايااااي... لهاد درجة.... عجيب امر هاد اللعنة كفاش قادرة تربط القلوب وتلاقيهم قبل من الاجساد.... دابا عاد حسيت بالماس هههه يعني دابا انا كنبغيه مي من امتا ( ساست دوك الافكار وتاجهات لمكانها لي طبعا هو تحت ضلمة القبور )
بعد خروج ريماس كلسات الماس جنب جهد
وللمرة الالف ساد صمت رهيييييب عم المكان ( ناري شحااال خايبة هاد القضية كيبقى شي يشوف فشي كتوقع لي ملي كيجيو ضياف وماما ماكايناش ههه )
حتى كسرو ياسر بسؤالو المفاجئ لي خلا جهد حال فمووو
ياسر : ماباغي تقولي والو اخويا الكبير
جهد : احم كفاش احم .... اااه لباس عليك
ياسر : كنت متمنيك تسولني باش حسيت ملي عرفت عندي خويا كبر مني بعام .... اولا كفاش حسيت ملي عرفت حياتي ليست الا كدبة الفها القدر و انا من عاشها وضنها حقيقته
جهد : داكشي باش حسي انا اكيييد حسيتيه نت... ولي حسيتيه نت حسيتو انا...... بجوجنا شربنا من نفس الكاس لدلك معلينا غير نعوضو لي فاتنا ونكملو حياتنا جنب بعض .... ماحنا كنبقاو خوووت وماعلينا غنتعايشو ونحاولو نساو.... وكيف كيقولو الوقت كفيل ينسيك كلشي
ياسر : ان شاء الله ..... يلاه نخليييكم
جهد :؟؟؟ .... فييين غادي
ياسر : عندي اجتماع دابا .... قررت ننقل كلشي لهنا ونستقر فالمغرب .... اه من امتا وحنا كنتعاملو مع بعض وفلخر طلعتي خويا بفف دنيا شحال صغيرة
جهد : ؟؟؟
ياسر : معاك رئيس شركة رضوان الأسفار
جهد : لاااااا متكووولهاش
ياسر : شووور ....
جهد : اوا مرحبااااا
ياسر : يلاه نخليك ..... اممم ممكن نعنقك
جهد : هههه اجي اجي ( وتعااانقوووووو انتو ما سيرو تلعبووو مكرهتش يعنقني بلاصتوو والله )
مشى ياسر وناض جهد المكتب عيط سيكريتيرة جابت ليه شي ميلفات يسنيهم والماس كلسات مقابلة معاه وعينيها هايمين فيه ... انتبه لها جهد وعيط ليها
جهد : الماساتي
الماس : جهدوشتي
جهد : اش هادي تاني اجي اجي لهنا نقول ليك
الماس : نعام
جهد : اجييي
مشات وقفات حداه وبحركة سريعة وهووب كلسها فوق رجليه
الماس : هههههههههه خلعتيني
جهد : فين كنت كتشوفي
الماس : فقلبي وراجلي وحبيبي وتاج راسي ونت مالك
جهد: وانا كنحماق على القلب لي كيموت فيا انا 😍
🍂🍂🍂🍂🍂
تواااالت الساعات و الايام خلالهم تلاقا جهد مع ياسر وتافقو يوطدو علاقتهم و يقويوها ليس فقط بسبب لعنة لي جمعاتهم على أنهم ملعونين بل لأنهم اخوة قبل كل شيئ
ليوم نتهت المهلة وليوم عرس ريماس و ياسر هاهوما قدام باب المقبرة كلهم بلباسهم الاسود دخلو تابعين الماس حتى وصلو لعين المكان كانت ريماس مزالها بخمارها وبجنبها شهرزاد و لعنة وملاك
ملاك : اهلا حبيبتي الماس
المااااس طااارت عندها بدأت تعنق فيها وتبوس ومن بعد دازت لمها لي حتى هي مكانتش اقل منها بشوقها لبنتها تعانقووو وتسالمووو تحت انضار كل من جهد و ياسر
🍂🍂🍂🍂
بعد المندبة و العناق لي داروه البنات واخيرااا طلباات ملاك كل من ياسر و ريماس يجيو قدامها..... وبدات فشعائرهاااا وكلامها الغير المفهوم.....
ملاك : و الآن بشهادة النجوم والقمر والسماء و الأرض وكل الارواح اعلنكم زوج وزوجة .... ياسر دابا ممكن تحيد لريماس الخمار.... هز ياسر الخمار على وجه زوجتو باش يتصعق بمدى التشابه لي بينها وبين الماس وي هو كان عارفهم توام مي ماشي لهاد درجة .... الا انو لاحض فرق واحد ان زوجتوو طالع منها نور ساطع بالكاد قادر يضوي عتمة المقبرة.... هادشي خلاه ينطق كلمة وحدة ويقبل جبينها
ياسر : سبحان الله
ريماس سهات وسط عيونو حايرة فالخطوة لي دارت واشنو كيتسناها ... ولي زاد كمل عليها هاد المشاعر لي ماعرفت راسهم من رجليهم حااايرة وتالفة ومع دلك وكلات امرها لله اهم شيء عندها تهنا من هاد اللعنة وتخرج وتخرج مها وختها من ضلمة القبور بالنسبة ليها مكيهمش لي جاي ومكيهمش واش غتعيش فرحانة ولا تعيسة.... فبنسبة ليها اللهم تبكي تحت النور اولا تبكي تحت ضلمة القبور لمهم من هادشي كامل غيتحقق هدفها وكيف كانت كتقول لها لعنة غيجي يوم غيجي فارسها المغوار يخرجها من الضلمة الا نووور فهاهو جا فلاش غتردد معليها غتمسك بيه وداكشي لي كان ..... تمسكات بيه مع انها مابيناتش الا انها عطات ليه حياتها فوق طبق من دهب وكتمنى معاه تشوف الحياة فعينيه قبل من عينيها
شهرزاد : وهنا ممكن كتسالي مهمتي معاكم مابقى عليكم غير الماس ترزق ببنت ..... كنتمنى ليكم سعادة والراحة.... وكنتمنى لي وقعلي عمرو يتكرر تهلاو فراسكم وسمحولي لا ضلمتكم معايا
لعنة : ماما
شهرزاد : دوزات على شعر لعنة بحنان : كنتمنى تسامحيني ... ويسامحوني حتى احفادي ....
مشات لتختفي وسط ضبابها كيف العادة
لعنة : تهلاو فبعضياتكم و متنساونيش
ريماس : ماما علاش مغتجيش معانا
لعنة : اصلا انا مغنتحررش الا بقدوم بنت تنهي لعنة كيف بديتها انا ..... واصلا انا ولفت حياتي هنا وان شاء الله مع قدوم بنت الماس غتحرر ختي وترجع ليا ونعيش انا وياها.... يلاه وصل الوقت باش تمشيو عنقاتها كل من الماس و ريماس بحرارة ... من بعد عنقو ملاك .... اما جهد وياسر كتافاو يسلمو عليهم بليد....
لعنة : بناتي أمانة عندكم
جهد : وامانتك فعينيا
ياسر : ريماس من ليوم ولات جزء لا يجزء من حياتي غنديرها فوق راسي غير تهناي وقريب حتى نت تجي تعيشي معانا
من بعد ما كملو كل واحد فيهم شد يد محبوبتووو وتاجهوو لسياراتهم
ركب جهد وبجنبو الماس لي باقى كدمع وديمارا
ومن وراه ياسر لي ركب هو الآخر من بعد مافتح لريماس لباب باش طلع جنبو ولي كانت حتى هي حالتها حالة بالبكا ركب وديمارا خلف جهد
باش يوقفو جنب فالمطار جنب طائرة الخاصة ديال ياسر ..... هودو بربعة جنب الطاقم لي كان فاستقبالهم
وتوجهو ليها مجموعين
دخلو وهوما مبهورين بديكورها .... كانو جوج فوتيات فالاسود واحد مقابل مع لاخر وكتوسطهم مائدة زجاجية
كلس جهد بجنب الماس و ياسر جنب ريماس وكل واحد فيهم قاد سمطة لمرتو
ما هي إلا لحضات وكانت الطائرة مستقرة فالسماء وريماس مخشية فدراع ياسر ودموعها باقين فطرف عينها وباقى كاع مامستوعبا فين هي عقلها بقا مع مها لي لاول مرة غتبعد عليها
اما الماس شافت فختها بابتسامة مشرقة وفمضات عينيها مستسلمة لنوم
مرو عدة لحضات والبنات غارقين فنعاسهم
ياسر : باقي ربعة سوايع باش تحط طائرة فالجزيرة
لا بيتي تنعس يلاه نوريك فين وجيب معاك حتى الماس
جهد اومئ ليه براسو بمعنى اه وهز الماس بين يديه وتبع ياسر لي كان هز ريماس تمو غاديين حتى وقف ياسر قدام جوج بيبان قراب حل لول وتلفت عند جهد
ياسر : ( كيدوي بشوية ) هاهواك يلاه نخليييك
دخل حط ريماس فوق سرير دائري فالابيض كان تم وناض سد الباب ورجع تكا حداها ونفس شي دارو جهد وما هي إلا لحضات وغفاو حتى هوما
بدات كتململ حتى حسات بشي حاجة متقلة عليها فتحات عينيها بسرعة وشافت .... باش تفاجئ بيديه هوما لي حاضنينها
دار عندو وبدات كتشوف فيه ..... و كتامل الاحساس لي حاسة بيه دابا واااو على حضن مختااالف بزاف على ديال مها وختها .... هاد الحضن وكانو كيدل على تملك و حب شيئ و اروع شي الحنان والحب
زعما يكون كيبغيها اكيييد اه مدام هي وبغاتو ادن حتى هو مدام لعنة لي ربطاتهم فهدي مسالة لانقاش فيها
ساست دوك الافكار وزادت تمخشاات فيه ورجعات غطت فنوومها
🍂🍂🍂🍂🍂🍂
مرو الربع الساعات باش يفيقو ابطالنا على طرق في الباب كيعلن على انا الطائرة حطت في الجزيرة السياحية
فاقت الماس وبدات تفيق فجهد
الماس : جهدونووووض راه وصلنا واخة معرفت فييين واااهياا وا جهد
جهد : اوووف ا الماس نعااام بففف
الماس : بدى تنفخ تم تنوووض ولا ندوش لخويا
جهد : شكون خوووك ؟؟؟
الماس: بغيت نقول غاجلي ... اوى نوض
ناضو وخرجو بداو كيدقوووو على لوخرين
جهد : ياسر .... ياسر
الماس : تاحيد اش كتعرف راه ريماس مفتفيق غير على زنزااال
حلاات الباب ودخلات كتجري تابعها جهد تلاحت جيهت ريماس وبدات كتململهااا بجهد
ماقفزهم غا سوط ريماس لي غوتت خلات ياسر ينوض واقف
ريماس : الماااس ...... ينعل طواااصلك خليني نعس
الماس : واااانوووضي
ريماس ناضت كتزف بالمخاد ومع النعاس خلا شعرها يتحل كان طول من ديال الماس بشوية شيئ لي خلا ياسر يحل فمو فيه اما جهد جر الماس وخرجو
ريماس : عاد طلع معاها اش وقع .... احم ياسر صافا
ياسر: تاجه عندها قبل جبينها ودوى : قادي زيفك ويلاه نهودو
داكشي لي دارت مع كملت شد لها فيديها وهود هو وياها ولقاو كل من جهد و الماس فانتضارهم
تجمعو فسيارة وحدة بقيادة ياسر وجنبو ريماس والخلف فيه جهد والماس واخيرا وصلو الدار لي كانت متكونة من طابقين .... حل ياسر لباب ومع الحلة بان لورد لي كان مشكل طريق لمائدة متكونة من اربع كراسي و عامرة بما الد وطاب
جهد : امتى وجدتي هادشي
ياسر : علمتهم ملي كنت جايين
تاجهو كلهم المائدة وكلسو كياكلو ودردشو مع بعض
🌻🌻🌻🌻🌻🌻
بعد مرور تسعة أشهر
🌻🌻🌻🌻🌻🌻
فهاد تسع شهور توطدات علاقة كل من جهد وياسر و حتى علاقتو مع ام جهد وخوتو لي ولاو خوتو حتى هو من بعد مقرر يدخل حياتهم بصيفتو صديق مقرب بجهد
اما ام جهد ففرحتها ماواسعها دنيا بلاصت ولد ربحت تلاتة ياسر والماس و ريماس لا وجايينها تلاتة الأحفاد الماس لي وصلات لشهرها تاسع وحاملة بتوام وتقدر فاي لحضة تولد .... وريماس لي فشهرها التامن وحاملة ببنت
ولي كلهم جامعاهم فيلة وحدة من بعد ما قررو يتجمعو كاملين فدار وحدة
اما ريماس وياسر علاقتهم سمن على عسل وخصوصا من بعد ما تبعو كلهم طريق الله و ناويين هاد العام يحجو كاملين
🌻🌻🌻🌻🌻
فحديقة كلها خضرة كالسة الماس وبجنبها ريماس لي هازة فيديها علبة ديال شكلاط كتاكل فيها و بجنبهم لالة خديجة ( ام جهد )
لالة خديجة: بنت الماس ياك ما جاك الوجع
الماس : لا اماما هاد ساعة محاسة بوالو( دارت عند ريماس ) .... واهياتا تي باركة من شكلاااااط واااااااهياااا ناري ماتجي فين تولدي تا تولي بيدوزة
ريماس : ديها فنفاخت وهني الوقت
الماس : وليتي كي نفاخة
ريماس : قالت شبكة للغربال مال تبيكاتك كبار واصلا لا حسدتيني ديري بحالي وهني راسك وهنيني
الماس : نينينييييي ( كتعيب فيها )
لالة خديجه: وا لبنات يهديكم الله
ريماس : وا ماما ياك نت شاهدة هي لي كتجبدني
الماس : لاستيك نت
لالة خديجة: يلاه البنات نوضو نصليو راه ادن ضهر
عاوناتهم وقفو دخلو لبسو اسدالهم وقاموا فرضهم ومن بعد رجعو لكلستهم كانو كالسين حتى قاطعهم بكاها
ريماس : هنننن
لالة خديجة: مالك ا بنتي
ريماس : توحشت ماما
الماس : ....
لالة خديجة: الماس مالك
الماس : انا توحشت جوج ماما وراجلي فييين جهد
ريماس : حتى انا بغيتو
الماس : شكووون
ريماس : راجلي ياسر
الماس و ريماس : ....
فهاد اللحضة دخلو جوج سيارات فالاسود وحدة نزل منها ياسر وحدى نزل منها جهد مع سمعو البكى جاو كيجرييو
جهد : الوليدة مالهم
لالة خديجه: توحشوكم
باسو لها بجوجهم على راسها وكل واحد كلس مشى عند مرتو كيحزر فيها
حتى قاطعهم سوطها
الماس : ( شنقات على جهد ) عتق عتق اولد الحرام واااااع الوجع وتااا عتق
جهد : هااا كفاش اه الوجع مالو
الماس : يميلو لجد تاصلتك ونت عتق
ياسر : جهد هزها ويالاه معايا
ريماس : وانا
ياسر : بقاي مع الوليدة دابا نرجع ليكم
ريماس : ولااا بيت نمشي مع ختي
الماس : واااااربيييي اوووووف عتق اولد الحرام
ياسر : ( وصى لالة خديجه عليها ومشى يوصلهم )
بقات ريماس شادة فنصها وغادة جاية حدى لالة خديجة وكيدعيو مع الماس لي كانت منوضاها فصبيتار
الماس : اش درتي نتبعك يا وجه الويل...... كوووون غا بقيت حدى ماما كاااع وتهنيت
جاو عندها الفرمليات ودخلوها البلوك من بعد دخلات عندها طبيبة وصوطها واصل للفين
صونا تيليفون ياسر وخرج يجاوب مخلي جهد حدى البلوك
ياسر : نعام الوليدة
لالة خديجة: عتق اولدي ريماس شدها الوجع
وصاهم يوجدو لها فين تولد ومشا طاير لعندها مخلوع على ولادتها المبكرة
ماهية الا مسافة طريق وكان قدامهم
كانت الماس كتمرمغ وحداها لالة خديجة
ريماس: ياااااااسر ..... والوجااااااااااع...... اشدااااني لشي ولااااد واااااااعوووك..... ياااااااسر
ياسر : هانا هانا جيييت كالمة هانتي شهيق زفير .... اوووف .. اوووف
ريماس : اوووووف ..... اوووف
لالة خديجه: وا ولدي نووووض نمشيو لصبيتار
ياسر : اه صبيتار يلاه
هز ريماس حطها اللور حدى لالة خديجة
وتم غادي طاير لصبيتار.... ما هي إلا لحضات ووصل هزها وغادي يجري بيها لقاهم موجدين ليها البياص حطها فيه وتم دفعو معاهم فجنبها
ريماس: ناااااري هادشي صعيييب بغيييت ماما
ياسر : حبيبة هانا معاك غير صبري
ريماس: بااااااااش حسيييييييييييتي ملي قلتيهااااا ...... واااازييييد ولدها نت نييييت
ياسر : هاحنا وصلنا
دخلوها لغرفة وسدوو الباب
وبقاو رجال برى كيدعيو معاهم..... والله يفكهم على خير
مر الوقت والرعب بدى يدخل قلب كل من جهد وياسر ..... حتى قاطعهم خروج الطبيبة من غرفة الماس لي كانت تقريب قريبة من غرفة ريماس
طبيبة : ( من بعد ما جا عندها جهد كيجري ) الحمد لله راها بيخير وراه تزادو عندك توام بنت ودري
جهد : الحمد لله
طبيبة : يترباو فعزكم ومشات
داز الوقت وخداو الماس لغرفتها .. كما خداو ولادها لجناح الاطفال
واخيرا تفتح باب غرفة ريماس و قفز معاه قلب الكل وملامح الصدمة على وجوهم لكن سرعان متلاشات بعد كلام طبيبة
طبيبة : كانت الولادة صعيبة شوية مي الحمد لله كلشي داز مزيان وحتى من صحة البنت الحمد لله فأحسن حال
ياسر : ولله الحمد
🌿🌿🌿🌿🌿🌿🌿
داز يوم على ولادتهم وهاهوما مجموعين فغرفة وحدة وتحت طلبهم الماس هازة بنت و جهد هاز دري وريماس هازة بنتها وبجتبها ياسر كيلعب معاها
وخديجة كتشوف غيهم بفرحة وكدعي الله يدومها عليهم
وكدعي الله يدومها عليهم
خديجة : اوا اش ناويين تسميوهم
ريماس : حنا غنسميوها شمس
الماس : وحنا قررنا نسميوهم نور و ورد
خديجة: زوينين تبارك لاه قاطعهم دخول لعنة بابتسامتها المشرقة
الماس ريماس : ماما
دخلات لعنة وبجنبها مرة كتشبه ليها شوية
لعنة : بناتي توحشتكم مشات سلمت على كل وحدة فيهم وباركات ليهم
لعنة : يترباو فعزكم ان شاء الله..... اه هادي ختي جوهرة
جوهرة: تسالمات معاهم بحفاوة وباركات ليهم
جبدات لعنة جوج سناسل معلقة فيها جنية الحلام مزينة بالاحجار الكريمةوكرميت من دهب أنور
ركباتهم ليهم...... ومع حيدت ضهر نور كانو نجمة مشعة وخرجت من نافدة الغرفة
فهاد لحضة .... كبرو كاملين.... وتوالت الزغاريت
وفرحة الجميع بقدوم مفتاح اللعنة نهايتها ... وهنا تحرر الكل من اللعنة ..... وعادت المياه لمجاريها كسابق عدها
وكانت نهاية اللعنة بنهاية شهرزاد لنتحرر روحها واختفاء القلادة وكدلك ملاك
🌿🌿🌿🌿🌿
بعد خمس سينين
.... : طاطا الماس دوي مع نور
الماس : ههههه مالكم تاني ...... مزال مالبستي سيري عند جداتك تلبسي راه مابقى والو ا حبيبة
ريماس : شمس حبيبتي سيري لبسي حوايجك وخليني انا وطاطاك نلبسو ..... الماس اجي قاديلي شعري
شمس : ولااااا ..... نور كيضربني
الماس : نووووور زكااااا على ختك ..... سيري ا حبيبة عندهم راه حتى وعد كتلبس.... وحتى جداتك خديجة و لعنة وحتى من جوهرة لبسو ..... زعما الحفلة ديالكم ونتوما لي خصكم تكونو نجومها اولا
شمس : اصلا انا زوينة .... وانا هي ريماس صغيورة دبابي
ريماس : اييه اييه اشنولة بقالك غا راجلي
شمس : هههه راه بابي هداك .... احم أحم لمهم نخليكم نمشي لبس لاغوب ديالي ... اه طاطا راه لاضربني مزال غنضربو
الماس : هكاوة
ريماس : مااالنا .... قالت لييك صح
شمس : ههههههه ( مشات كتجري)
الماس : شعلتيها ا شنيولة ومشيتي اش جاب مايطفيها تاني
ريماس : بوطة انا ...
مر الوقت وتعاشات لعشية باش يشعلو أضواء الجردة لي كانت كلها أنوار ونفاخات بيضين فكل مكان و عامرة بالمعازيم لي دايرين على طبالي و الجدات بتلاتة لابسين تكاشط فالبيض مع شلان عند الباب كيرحبو بالمعازيم
بعد عدة لحضات تمو خارجين من باب الفيلة تلاتة الملائكة
جوج اميرات فمنتهى الجمال نضرا لشبهم بامهاتهم لدرجة حتى هوما كيتشابهو شوية بغوب بيضة وتاج صغييور وعنقهم السنسلة لي عمرهم حيدوها من يوم ولادتهم وفيديهم هزين عصى سحرية اعلاها نجمة .... كيتوسطهم طفل طويل عليهم شوية بكمبلي اسود بحالو بحال عمو وباه لي كانو من خلفهم و بجنبهم ملكاتهم لي كانو حتى هوما بفساتين بيضاء
مع ضهورهم تعالت التصفيقات و الهمسات بين الحضور تاجهو كلهم لمكان الكاطو باش يقطعوه كاملين تحت تصفيق المعازيم احتفالا ب عيد ميلاد اطفالهم الست سنوات
قطعو الكاطو وفرقوه ومن بعد طلقات موسيقى هادئة
جهد : يا اجمل الجميلات ما رايك برقصة
الماس : بتأكيد ههههه
ريماس : ( ضارت عند ياسر ) ونت كتسناني نعرض عليك
ياسر: يخليلي محسادتي زيدي زيدي لا تموتي
جرها ومشاو
بقاو الولاد بتلاتة
وعد : اححح زوينين حتى انا بغيت شي راجل بحال بابا وعمو ياسر
شمس : حتى انااااا
نور : ( شد شمس من شعرها ) اش بغيتي
شمس : وااا زبل
نور : احم غا كنضحك معاك
شمس : بعد مني ( كتهز فكتافها )
نور : انشطح معاااك
شمس : نااااااءح
جرها نووور بزز
شمس : صافي صافي غير متجرش غتخصرلي لبستي
نور : عارفة..... انه لا مفر مني .... يا نور الشمس..... فانا قدرك و انت قدري
🌻🌻🌻🌻
النهااااااااااااااااية
🌻🌻🌻🌻🌻
🌿🌿🌿🌿🌿🌿🌿🌿
لكل بداية نهاية...... وما كل نهاية الا بداية لنهاية اخرى.....
ليوم كانت نهاية قصة شهرزاد ولعنتها لي كانت سبب في ترابط قلوب والتقاء عائلة..... والعتور على سعادة
لعنة بدات بولادة لعنة وسلات بولادة شمس و نور ووعد...... لعنة خلات كل من ابطالنا يعترو على نصفهم الاخر...... حاولت نخلي نهاية مفتوحة لأنه لا وجودة لنهاية سعيدة حنى فقط غنخليو ابطالنا يعيشو حياتهم بحلوها و مرها.... مع بداية حب جديد وطفولي ولي تمتل ف نور الشمس
🌿🌿🌿🌿🌿🌿🌿🌿
قصتناااا هنا كملت كنشكر كل وحدة تبعاتها معايا وشجعاتني ولو غير بجيم وكنقووولكم من هناااا كنبغيكم بزااااااف وبلا بيكم انا مكايناش.... وسمحولي لا قلقتكم مني شي نهار
كنبغيييييكم ❤❤
مغاديش نقولكم وداااااااعاااااا انما غنقوووول الى لقاء فقصة اخرى من كتاباتي وعن قريب ان شاء الله
كنتمنى القصة تكون نالت اعجاااابكم
وبلييييز فضلا وليس امراااا كااااع لي قراو القصة يعطيوني رايهم شنو سلبيات والايجابيات.... رايكم يهمني وكنتسناه بفارغ الصبر
بقلم : #زهرة_العمر
#الملاك_الاسود ❤❤
المرجو ترك تعليقا لتشجيعنا