الحياة عبارة عن لعبة كنضنو أننا حنا لي متحكمين فيها وكنسيرو حياتنا كيف بغينا تاكنكتاشفو فالخر بلي كاع القرارات لي خدينا ورسمنا بيهم طريق لينا خداونا لطرقان خرى لأننا خططنا وقلنا لا درنا هكا من بعد غانوليو هاكا ونسينا او كنتناساو أنه لي بعد على الله واختار يعيش الحياة بملاداتها كما وعدنا الله في كتابه الكريم أن هاد الشخص لي ختار هاد الحياة له معيشة ضنكا
بزاف كنبقاو نتساؤلو واش حنا كنا مسيرين او مخيرين فحياتنا واش حنا لي ختارينا قدرنا أولا هو مقدر لنا وحنا غير عشناه بزاف مفسرين دين كيقولو بلي حياتنا حنا لي ختارينا كيف نعيشوها والقدر والغيب دحياتنا ربي كان عارفو متلا ليوم نعستي وناوي غدا تفيق بكري تمشي تقرى ولكن غلبك نعاس ومامشيتيش فماشي الله سبحانه وتعالى لي مخلاكش تمشي وإنما ربي كان عارفك انك مغاتمشيش وبلي من هنا لفاش تكبر كنت غاتكون مدرس متلا بعض الأمور حنا مخيرين فيها وبعض الامورنحن مسيرين فيها متلا كالاولاد و الأمراض والموت نحن مسيرين فيهم ولكن واش نصليو ولا لا واش نصومو ولا لا واش نقراو ولا لا هاد الامورحنا مخيرين فيهم ....
هادي كانت مجرد تقديم صغير لقصتي لي غاتقراوها وغاتعيشو معايا لي عشتو كفاش قراراتي خلاوني نبعد على الله وانا كنقول بلي كلشي لي كنعيشو بالمكتاب و مقدر عليا
أجزاء القصة أيبداو يتحطو من غدا ان شاء الله كونو في الموعد باش نبداو رحلتنا مع قصتنا الجديدة
#رحلتي_من_الضلمات_إلى_النور
#زهرة_العمر ✒️