#حب_في_المقابر
بقلم✏:زهرة العمر
🕯 بارت:8 🕯
جهد : لواه نمي
الماس :
جهد : ماتخافيش شدي غير فكتفي مزيان وغتعومي احسن عومان
الماس : لا لا غنموت
جهد : لا ما قتلتيني انا معندك فين تمشي
الماس : هااااااا
جهد : ديري اش قلت ليك
هو قالها شدي كتافي وهي شدات عنقو بيديها ودورات رجليها على نصو
جهد : عمنا بكري
خلاها على راحتها وتم داخل بشوية
جهد : الماس تقلبي عندي
الماس : اعععع ولا غنطيح جهد واتي ضوري ماتخافي والو
الماس : يلاه شدني
شدها من فخدها وضورها عندو و للاسف تقابلو وجاهم وغرقو غعينين وجمال بعض الماس لي كان الما وصل لراسها وفزك وخلا سعرها نازل على وجها شيئ لي خلى جهد يهز يدو وبدا كيحيدو لها بلطف تحت مداعبات الامواج الصافية
وكدلك جهد حتى هو لي كانو الامواج اللطيفة داعبت وجهو وشعرو وخلات شعرات طايحين على جبهتو شيئ لي خلى الماس تغرق فيه بلهلى يطريه ليها بقا شي يشوف فشي( وانا كنشوف ونتغدد زوجوني حتى انا )
لكن من قريب وليس ببعيد عيون كانها لافعا سامة تراقبهم في هدوء على ضاهرها لكن بلهيب كداخلها حائرة بين التقدم والتراجع.... فهل تختار راحتها ام سعادتهم
كانت شهرزاد بضبابها الحالك كتقدم خطوة وترجع عشرة.... واش كان قرارها صحيح واش غيقدرو على لي جاي واش غيرتو عليها غتكون سبب دمارهم كلهم واش ماكانش حسن كون ختارت الخيار تاني بدل هدا.... هي فكلتا الحالتين غيتعدبو مي على الاقل تاني كان اهون ليهم واش تنهي لعنة بموتهم اولا بعدابهم .... من ديما شهرزاد كتشوف الماس نقطة طبق الاصل عليها فاشنو هادشي واش غدير هي بصح كانت مكاتحملش حس ال خالد ... مي جهد شيء آخر وهي متأكدة بلي حتى #ياسر نفس شيئ غيكون طبق الاصل على خوه وغيتهلى فريماس
.... ممكن هي غلطات ملي متاكداتش من هوية ياسر قبل متطلب من اخ يزوج مرتو من خوه و اخت تاخد زوج ختها
#ياسر كيف جهد تكتب ل #ريماس وهي بشرطها كتخالف شروط لعنة لي ممكن تحرق كل عيلتها
ياريتها قلبات وعرفات هادشي قبل ما تحط هاد شرط .... مي هي دارت لي شافتو صحيح فكيفاس حتى القدر لعب ضدها حتى هاد لمرة وغيخليها تخصر احد حفيداتها كيف خصرت احد بناتها #جوهرة لي لحد الآن فراقها و مصيرها آلم كل درية شهرزاد .... دابا ما عليها غير تبدل الشرط و ليكن وليحصل ما يريد أن يحصل المهم هو شرط يتحقق وتختفي لعنة اولا فقط يتخفف .... لي معارفاش الماس انه كلما قربات من جهد كيتزاد ضلمة القبور و كيضيق مكان عيش ريماس ولعنة وكتحرق روح شهرزاد الماس وجهد ملي تزوجو فالمقبرة حماو راسهم من غضبها غقط ماشي حيدوها
.... مي ما عليهم غا بصبر لان شرط لول طلع مستحيل يتحقق لانو #ياسر طلع من نصيب ريماس...
كتشوف كيلعبو وسط الما وصوت ضحكت الماس واصل لاخر دنيا.... كتحاول شهرزاد تفكر اخر مرة شافت فيها الماس كضحك من قلبها.... مي لقات راسها عمرها شافتها كضحك ولو غا من فوق الخاطر.... الماس من ديما طموحة و متحررة و عمرها رضات على راسها تكون من الملعونين داكشي باش خدات هاد طريق ولو عرفات اش تابعها في لا لعنات نهار لي فكرات تخرج من تم ....
دابا جهد من مباتو ليلة كاملة فالقبر تحرر من لعنة القبور .... وحتى لا مشا مغتاخد منو لحق لا باطل وهادي الحقيقة المرة لي ماعارفها حد من غيرها هي .... لدلك لحل الوحيد زواجهم يكمل
شافتهم خارجين جهد هاز الماس كيف دخلو من البحر من بعد ما كملو ضحكهم
حتى وقفات عليهم كيف قباض الرواح
شهرزاد : الشرط تغير
جهد : نتابه لصوتها الفحاح ... : نت هنا واش كتقصدي
شهرزاد : شرط تغير ويمكن ليكم تكملو زواجكم عادي
الماس جهد : ( دقة وحدة ) واللعنة
شهرزاد : اكيد مغاديش تسالي غير هكاك واكيد الحساب باقي طويل .... جهد شخص لي غادي على ودو المصر..... جاي غدا من قطر مو ماتت تلت ايام دابا وعاوداتليه عليك وغيجي غدا يقلب عليك
جهد : أش كتروني تاني
شهرزاد : من بعد ما هربت مك بيك وباك عيا يقلب مالقا والو تزوج بمامات خوك وحتى هي هربات مي كانت حاملة بياسر ومشات خدمات فمصر وسكنات مع خالتها
جهد : كتقصدي كنت ناوية نزوجي مرتي لخويا
شهرزاد : وي كان الحل البديل لينا مي للاسف هو اصلا مرطابط بريماس وهادشي تكشف عاد دابا شوية وخيوط لعنة بداو كيتفكو ...... لي معارفينش نتوما انا لعنة قنونها واضح تعيشو تحت ضلمة القبور حتى تولد الماس بنت ... مي نتوما درتو لي بغيتو مننكرش بلي قراركم ممكن كان فمحلو وبطل جزء من لعنة فقط والجزء الاخر غيكون منقسم على جوج الاول الماس تولد بنت تحت نور شمس و ياسر يتزوج ريماس بلا مايشوفها زواجهم خصو يتحقق من دابا اسبوع
جهد : كفاااااش كنت ناوية تزوجي مرتي لخووويا وااااش نت نووورمال
شهرزاد : انا درت لي بان لي صحيح مي لعنة هي لي كتربط تنائيات وكما ربطاتك نت بالماس ربطات ياسر بريماس وهادشي كما عرفتو جيت لهنا نيشان..... هادشي كاملو عادي مي المشكلة الكبيرة كل ماقربتو لبعضكم كنتحرقو حنا بقربكم ... وفنفس الوقت الحل هو قربكم مسالة لا حل لها
جهد : نو بالعكس عندها حل
شهرزاد : ؟؟؟؟
جهد : ( ضم الماس ليه وابتسم بخبت ) الحل هو تصبري على نارك لي كتحقك.... كيف حرقتي كل الاجيال لي سبقو ....
الماس : ( واخيرا ستوعبات وفهمات الحديت لي كان جاري حداها دمعو عينيها ودوات ) دابا نت كنت ناوية تزوجيني بخو راجلي لا وزوينة هو نفسو راجل ختي حبيبتي بسببك نت كانت ختي غتحول لعدوتي .... واش مزال ماعيييتي ( بصراخ ) نت راك دمرتي راسك ودمتينى معاك... راك نت لي لعنة علينا نت راكي متستاهليش تعيشي نت سبب معاناتنا مكرهتش نحرق القلادة لاكيد غتحرقي معاها مي للاسف غيتحكم علينا حنا لي معندنا حتى دنب فهاد المعماعة كاملة... ولكن تاكدي نهايتك على يدي تقي شرك محدك معانا .... شهرزاد يامك معدودة
( شدات يد جهد وجراتو وراها مخلية وراها شهرزاد كتشوف فيهم بنضرة غامضة تحمل الكتير من المعاني تتمتل في حسرة حزن ضياع حنين شوق قلب منكسر وممكن حتى ندم لي تختفي وسط ضبابيها الحالك وتتبخر كانها شيء لم تكن
غادية الماس كتبكي بحرقة... هي عارفة الملاك الاسود عمرها دربت حساب لقرابات العائلية ... ممكن لحرمانها منهم وممكن يشفع لها تصرفها.... مي لي اآلم الماس ختها روحها ونصفها تاني لي كانت كتحاول تناساها .... ماشي نساتها كانت غتكون عدوتها ويتحول حبهم الكبير لعداوة بدون قصد منها مي مكيهمش سبب قد ما كتهم نتيجة .... كفاش شهرزاد وصلات لهاد الحد من الحقارة
دخلات من بعد مافتح جهد الباب تمت غادة ودموعها بحر ماشي شلال حتى قاطعها حضن دافي عمرها جرباتو حضن كيقولها نت ماشي بحدك انا معاك ( كانو يدين جهد لي حضنوها من الخلف ) ....
شيء لي خلاها تحس بالأمان.... دارت عندو فالبلاصة وعنقاتو بجهد و حتى هو زاد زير عليها كانو كيقولها نت ديالي وانا ديالك..... وانا بحر اسرارك فقط خوي قلبك
جهد : ( بصوت شبه مسموع ) شششش انا معاك فقط خوي قلبك
وكانو بهاد الجملة ضغط على وترها الحساس وخلاها تنهار بالبكى بدون سابق إنذار......
البنت لي من ديما كيشوفها قويا وفارضة نفسها فكل نقاشات ها هي دابا بين يديه باصعب حلاتها... عمرو ضن ممكن يجي يوم من الايام يشوف الماستو منهارة لهاد الدرجة .... ممكن هاد الحنان لي كيحاول يعطيه ليها هو اكتر واحد محتاج ليه علاه ماشي عاد دابا عرف عندو اخ من باه لي عمرو شافو لا وزوينة غدا جاي عندو باش يشوفو ... كفاش غيكون لقاءهم .... او بالاحرى كفاش داير خوه ....واش غيتفاهمو .... بزاف الاسئلة ما فاق غير على يد الماس وكانها ريشة تحطات على خدو هزات دمعة كانت جنب عينيه كتحارب باش طيح وهو كيحارب باش يرجعها لمكانها مي ريشة لي تحطات حرراتو وحرراتها ملي مدات صبعها وتحطات الدمعة فوقو
الماس : واش كنت كتبكي
جهد : نو راه غير عماني شعرك .... دابا شوية
الماس : وي
بقات كتشوف فبحر عينيه غارقة فيهم وكتحاول توصل لداخلو من خلالهم شيء لي خلاه يغرق حتى هو وللمرة الالف فزرقة عينيها المخطلط بالحمرى لي خلفوها دموع
بقاو على نفس الحال لعدة لحضات ... بدات الماس كتقفقف بقوة لبرد ومع باقى فازكة الله الله مابقا لها والو وتشطح المصري
جهد : سيري دوشي وبدلي حوايجك لايضربك البرد .... انا نعيط عليهم يطلعو لينا شي شربة سخونة
الماس : لا مغيضربنيش بلا ما ( قاطعاتها العطسة ) اتسيو
جهد : هالي قلنا
الماس : هانا غادة .... اتسيو ....
مشات لبيتها و هو تاصل طلب اش بغا وتوجه هو الآخر لبيتو خدا دوش سخون ولبس سيرفيت وخرج لقاها حتى هي نفس شي عاد خارجة من الدوش لابسة كسوة ولاويى على كتافها شال
جهد : اجي هنا ... اتس... ك .... اتس ( حمد لله ) ... كلسي.... شتي فعايلك نت وجداك.... اااااااتس ( حمد لله )
الماس : نعااااا .... اتسيوووو ( حمد لله ) .... نعاام نت لي كالس علينا نعمو نعومو هانتا تشوف اش وقع ( حسات بالعطسة ونطقاتها بزربة ) .... اتسيوووووووو ( حمد لله )
جهد : يرحمك الله .... اوا غا لي بغا يدير فمك خير ويعلمك تعومي
الماس : خيرك خليه عندك
جهد : اوااا.... ( قاطعهوم دقان فالباب ومشى جهد حل كانت خدمة الغرف جابت لي طلب منهم كانت شربة و معاها دوى ديال الرواح خداعندها طلبية شكرها ودخل )
الماس : شكووون ا جهد
جهد : دوزي تاكلي دوزي
جاب لها شربة ... شربوها وشربو دوى بجوج
جهد : يلاه سيري تنعسي وماتفيقيش حسي راني عييت وبغيت نعس سخسختي جد بويا ليوم
خرج لماعن حطهم جنب الباب ودخل تم غاديلبيتو حتى قاطعو صوتها
الماس : جهد
جهد : ااااشنووووو تااااااني
الماس : احم احم ........ احم
جهد : بففف غتبقاي تحمحمي تم واقولي شنو كاين
الماس : اوووف..... دابا انا عمري نعست بوحدي كنت ديما كنعس حدى ريماس
جهد : ( فمووو طاح للارض )
الماس : من لخر مقدرتش نعس بوحدي
جهد : احم احم ..... اييه واشنو المطلوب مني
الماس : تنعسنيييي حداك المكلخ
جهد : ومالك كتقوليها وبحالا ماراضياش
الماس : اييه حيت عندي راجل لي يقولي دوزي تنعسي فبيتنا ماشي سيري لبيتك
جهد : دوزي دوزي تنعسي
الماس : اوا هكاك بففففففف يا رجلة
جهد : تمشي بحالك لا
الماس : ناءح رجلي على رجلك احبيب القلب
جهد : زييييييدي
سبقها وهي من وراه
دخل الدوش و هي حيدت الفوق دالكسوة و بقات بتوب حريري بالأبيض طويل ومفتوح من جنب حتى لفخضها ومشدود بجوج خيوك رقاق لا اقل ولا اكتر وجمعات شعرها بشكل مهمل مخليا بعض الخصلات المنحرفة منداترة على عنقها وبجانب عينيها و بقات واقفة قدام المرايا كتفحص فراسها بإعجاب متناسيا الشخص لي خرج من الدوش وفمو طاح من منضرها المتير والمغري ليه ...... هي بلى والو كتخليه يغرق فيها وعساك دابا ..... من رجعو وهو كيحاول يتفادا الاحتكاك بيها مي هي تقول واش تحشم .... مافيقو من سهوتو غا عطستها
الماس : اتسسسييو .... اوووف هاد لبرد مالقا امتا يضربني غا ليوما... . قاطعوها يدين جهد لي طحطو على بطنها .... وصدرو على ضهرها ..... ودوى بهمس شبه مسموع عند ودنها
جهد : ومال ليوم
الماس : ( قفزات ) ها
جهد : هووووو
الماس : انا مقل ( دورها عندو وقاطعها بقبلة شرسة كتعبر على بزاف الحوايج .... منهم .... صبرو الطويل عليها .... غضبو من اللعنة ومايجي منها . . والأهم انزعاجو من تسرعها
قاطع قبلتهم لي دامت عدت لحضات وحط جبهتو على جبينها ودوى وهو كيلهت
جهد : علاش
الماس : ؟؟؟!!!!!!
جهد : علاااش ا الماس علاااش
الماس : بكل بساطة انا كنبغيك وماباغياش نزيد ولا دقيقة بعيدة عليييك ..... جهد انا عارفة وحاسة بيك نت كتحاول تبت ليا بلي نت باغيني انا ماشي جمالي وانا تايقة فيك فماكاين لاش تتجاهلني اولا دير حدود بناتنا حنا راه واحد و جزء من لعنة مرطابط بينا ..... ونهاية تقييدنا..... وبداية حريتنا.... هي تولدو بنت .... لدلك مكاين لاش تبقى تتجاهلني اولا تبعدني عليك ...
جهد : كنبغيك
الماس : وانا كنموت فهاد القليب لي كيبغيني انا
رجع جهد ملتاهم شفتيها بحب وحنان هايم فيها وهي كتر منو
بقاو بضع تواني قبل مايهزها متاجه بيها لسريرهم بدون مايفصل القبلة وكانو خايفها تهرب اولا يكون فقط كيحلم ..... بعد مرور بعض لحضات كانو كلاهم متجردين من ملابسهم ....
🍂🍂🍂🍂🍂🍂🍂🍂🍂🍂🍂
اصبحنا واصبح الملك لله فاقت الماس باش تلقى راسها بين احضان زوجها و ملك قلبها .... و آسر روحها
هزات يديها وحطاتها على خدو كتحسسو بحب و حنان
الماس : لطالما احببتك و ساضل احبك و احبك .... رأيت الحياة في عيونك فاحببتها.... وجدت موطني بين دراعيك فيا آسر قلبي لطفا بي فانا قدرك و انت قدري
جهد : ( فتح عينيه وابتسامة جدابة على محياه قبل خدها بلطف ودوى) صباح الحب
الماس : صباح العمر
جهد : كنحماق عليك
الماس : كتافت بابتسامة خجولة ...... قبل جهد جبينها وناض دخل الحمام دوش وخرج لقى البيت خاوي عرفها مشات لبيتها تدوش
من بعد ما جهد دخل ناضت الماس لاوية عليها ليزار وحيدات حتى ليزار لي كانو ناعسين عليه وهزات حوايجها ومشات لبيتها دوشت ولبسات حوايجها وخرجات كان لبسات فستان فالاسود على شكل ( عباية ) مع فولار اسود حاطاه فوق راسها وخرجات من البيت
فنفس الوقت خرج جهد لابس سليم كحل مع بودي كحل وفوقو فيست فنفس اللون
الماس : ههههه كحلناها على الصباح
جهد : ههه ... يلاه نفطرو ونمشيو ياسر وصل وراه متاجه عندي لشركة عاد علموني بلي جاي
الماس : وكفاش عرف فين كاين نت
جهد : انا سيفت ليه لي يستقبلو باش نوفرو علينا الوقت... يلاه
الماس : يلاه
شدات لو فيديه وتمو خارجين
جهد : بففف متقدريش تلبسي خمارك
الماس : علاااش
جهد : زيدي زيدي الله يصبرنا ويدوز هاد النهار على الخير
الماس : اححح القلب نت ( وباستو على خدو )
جهد : زيدي
الماس : ههههه تا طلقها تسرح
جهد :
الماس : ياكما خايفها تجلى
جهد : تزيدي لا
شدات فيديه وتمو غاديين هي كتفرنس وهو عاقدهم
هودو يفطرو وطريق كاملة راجل لي جات عينو ف الماس يحل فمو مي غير يشوف فجهد وتخنزيرتو ووجهو لي حمر يقلب طريق ماشي غير عينيه ...... وصلو وكلسو
جا عندهم سيرفور يشوف طلبيتهم ....
وقف نيشان عند راس الماس كيشوف فيها وكيفرنس وعينيه مشاو ياكلوها
سيرفور : مدموزيل .... طلبية ديالك عفاك
شافت الماس فجهد لي بقى لو شوية وينفجر
الماس : مدام
جهد : ( قاطعها ) بنت لييك ميخي هنا
سيرفور تلفت عندو : مرحبا ميسيو...... سوري مشفتكش
جهد : جيب ليا كاس ديال قهوة كحلة
الماس : انا جيب لي عصير الليمون صافي
جهد : خوديليك شي حاجة خرى لاش العصير بوحدو
الماس : نووووو مفياش
جهد : (دوى مع سيرفور ) يمكن ليك تمشي ..... اهياتا تهلايلي فرزقي هكاوة
الماس : اشمن رزق تاني
جهد : ناري كتكلخي غالوقت لي بغيتي
الماس : واااا اشمن رزق تاني
جهد : ( شاف فيها شي شفات و هو يغمزها )
الماس : ( مع غمزها ضرباط طم وحدرات راسها )
جهد : شد لها فيديها : يسلم لي الخجلان
الماس: وانا يسلملي الب الخجلان
قاطعهم سيرفور لي حط طلبية وهو حادر راسو ومشى..... وهوما فطرو فجو لا يخلو من الدلع و الحب والحنان
كملو وناضو متاجهين لشركة حيت مولاقات مصيرهم
مسافة طريق وكانو قدام باب شركة هود جهد وبقا واقف وكانو خايف ملي جاي .... بسيف علاه ماشي غيشوف خوه من باه لي عمرو عرف بوجودهم اصلا .... محس غير بيدين صغار ورطبين شدو فيديه وزيرو عليها......
الماس : كل شي غيكون مزيان تيق فيا
زير هو الاخر على يديها وتمو داخلين ولي دازو من حداه يبقى متبع لهم لعين.... ما المدير هداك واول مرة يجيب معاه شي بنت زعما مرتو هادشي لي كان كيدور فراس الموضفين.... اما جهد والماس كملو طريقهم وهوما مترددين وخايفين ملي جاي ......
وصلو لمكتبو
ناضت سكريتيرى كتجري العندو....
سكريتيرى : مرحبا مسيو جهد ( امئ لها جهد براسو وكملت ) ميسيو .... ضيف لي وصيتينا عليه راه كايتسنى فيك الداخل
سمع اش قالت وتم غادي بجنبو الماس .... حل الباب ودخل حتى كيبان ليه شخص واقف عاطيه بضهر مربع يديه ولابس قميجة فالكحل مع سروال دجين وصباط كحل ...... سمع الباب تسد خدى نفس طويل .... ودار عندهم
بقاو مبلوكيين شي كيشوف فشي ... كغى على المكان صمت قاتل وكان القط ابتلع السنتهم...... بقاو هكاك حتى قرر واخيرا جهد يكسر هاد الصمت
جهد : سلام .... ( جر الماس لجيهت الفتويات لي فالجانب الآخر ) ... تفضل
جا ياسر فصمت وكلس مقابل معاهم
كلس حتى جهد وبجنبو الماس شادة فيديه
ياسر شاف فيهم وفيديهم
عرفها غتكون مراتو مينكرش جمالها الخلاب لدرجة سها فيها شيئ لي خلا جهد يزير على يدو و يصك سنانو بعصبية
تدارك ياسر الموقف وحول نضرو الجهد وتكلم
ياسر : المهم .....
#يتبع
المرجو ترك تعليقا لتشجيعنا