#حب_في_المقابر
بقلم✏:زهرة العمر
👻 بارت:6 👻
لعنة : أوكي أوكي صافي غنعطيها ل ألماس رتاحيتي
ريماس : إوى هاااااح نمووووت فالگلب نتاعي أنا
ألماس : نو أ ماما ماكاين لاش ( بينها و بين فسها : يعطيك دل ودابا لا غيرات رأيها اش ندير بففف ألماس نتي فهاد اللحضة يجوز فيك القتل بجميع الطرق بففف .. يا ربي ماتغيرش رأيها يا ربي )
ريماس : بشويا : شوفلك القردة من صباح و أنا نطلب و نرغب و نزاوگ و نزوق فالهضرة فلخر قالت لا ينعل جد جد جد لي هرب و ماربا يماك بففف ناري غا تاع لييي يقتلك بكل الوسائل فهاد اللحضة لأنو مباح كل الإباح مع مكافئة
لعنة : امم لي بان ( قبل ماتكملها نطقو لبنات بجوج )
بجوجات : ولاااااا
لعنة : ؟؟؟؟!!!
ريماس : ماما نت عارفة ألماس هههه كتبغي دير الأمور درامية شوية ... راها باغة و قادرة على المسؤولية ياااك أ الماس
ألماس : اه اه والله
لعنة : اوكي غندوي مع ملاك و غدا غنسلموها ليك
تلاحو عنقوها بجوج ختى خنقوها
لعنة : كح كح والحمقات غتقتلوني
بعدو عليها كيضحكو بدات كتضح و هي غادة خارجة
لعنة : ناااس عطاهم الله لبنات و أنا عطاني صبيتار متنقل حمقاات صاف
مع خرجت مع تلاحت ألماس بجهد على ريماس بتعنيقة حتى جاو مسرحين فالأرض
ريماس : وااا مي على مجنونة ينعل بوووك يا الهيشة أححح اضهري ينعل ماااك يا سليعفانا اهئ
ألماس : تشتات بضحك حيت دقة جات فريماس هي لي جات لتحت منها لارض اما الماس جات فوقها
ألماس : ههههه غا ضاحكين
ريماس : الله يخليك بالخلا نت وضحكك حيدي حيدي من فوقي تساحليتيها ولا لقيتي ريشبوند
ألماس : الله على راحة تصبحي على خير
ريماس : كدفع فيها و مقسحة فضهرها : نوضي نوضي من فوقي قلاك
ألماس دارت راسها غطت فسابع نوم ... ماحست براسها حتى ليعتها ريماس
ألماس : واااااح يعطيك نوصيبة
ريماس : إوى نووضي فحالك راه ضهري اصلا تقسم
ألماس وقفت و مدات يديها لريماس ناضت محنية
ألماس : واش تقسحتي بزاااااف
ريماس : و اش كنقول لجد بوك من صباح
ألماس : سوري سوري بب ناري .... ام سو سوري كحلتها تاني
ريماس : سيري فحالك هماج
ألماس : عاوناتها حتى تكات معگزة : عافا بب ماقصدتش
ريماس : هانية ههه حتى نتي ماوقع والو
ألماس : يلاه نعسي نعسي رتاحي
ريماس : ههه علاش وصل ليل
الماس : قبيلا ملي جيت من عند جهد طاح ضلام
ريماس : هههه فهاد لقبر مكانعرفو ليل من نهار هههه وقت لي جاك نعاس نعسي
ألماس تكات حداها تعانقو و غطو في نوم عميق دخلات لعنة لي سمعت أخر كلامهم و سقطت من عينيها دمعة حارة بصح هوما كاملين تعاقبو و تحرمو من نور ضلما مي ديما كتقول قدر و كتاب علينا نعيشوه بدل ماتعيش فحسرة و ندم على الماضي لي خلف دكرايات قاسية ليها ... غطاتهم و تجهت لسريرها ونعست حتى هي
🌞🌞🌞🌞🌞 أصبحنا و أصبح الملك لله 🌞🌞🌞🌞🌞
جا صبا جديد على ابطالنا حامل فيه مجموعة من الأحدات لي غتكون فقط مجرد بداية لحياة قادم فيها مجموعة من المفاجاءات .... كيقولو بلي قد ماكبرو المشاكل و الصعوبات وحنا جنب لي كنبغيو و كيبغينا كلشي كيهون و كيسهال و بشوفة فعيونو الدنيا كتزيان
وهادشي لي غنعرفو مع ابطال و نتأكدو من صحتو أولا العكس
فاق جهد على ماماه كتعيط عليه يفيق و كيف قالت الماس نسات كل ما يخص شهرزاد و عائلة ال خالد لدرجة ولات حاسبة جهد ولد راجلها تاني
فلاش باك 🔙
من بعد مامشات الماس لبارح بقى جهد گالس حدى مو كيتسناها تفيق من بعد ساعات طوال فاقت و شافت فيه باستغراب
الأم : ( وهي كتوشوف فالغرفة فين كاينة ) جهد اش كندير انا هنا كنت فلكوزينة اش جابني لبيتك
جهد ملي فاقت و هو مركز و فالآخير تنفس الصعداء
جهد : والو الوليدة غير عييتي وسخفتي و راه جات طبيبة وقالت ليك خصك راحة و ماتجهديش راسك
الأم : لعجب ... لمهم غنوض نقاد ماناكلو وبلاما تشطن بالك هاد الاطباء بداو غا كيخرفو حتى هوما ... اه فين خوتك
جهد : راه مشاو لواحد الحفلة بجوج مع صحابهم
الام : هوووف ا جهد لاش خليتيهم
جهد : راه طلبوني و اصلا ليوم عطلة خليهم وراه حكرت عليهم مايتعطلوش
الام : اوكي نوض نشوف ماناكلو ... نزل تاكل
جهد : نو انا غنعس دابا
الام : لي بان ليك ا حبيبي بونوي ... و سمحلي عدبتك
جهد : عدابك راخة انور عيني
خرجات وهو ناض دوش و نعس
عودة للحاضر
الأم : جهد ... جهد
جهد : نعام الواليدة
الام : نوض اولدي واحد البنت بغاتك
جهد ناض قافز : هاااا
الأم : مالك تاني
جهد : والو والو هانا جاي
( دخل بجرة لحمامو خلاها غا كتعجب )
الأم : إوى الله يعفو مع الله يستر !!!!
وخرجات هودت عند الماس لي كانت گالسة فصالون دو اتات راق و عصري
الأم جابت القهوة وشي حلوة لضيافة
الام : مرحبا ابنتي ... اش سميتك بعدا
ألماس : ألماس .. سميتي ألماس
الأم : تبارك الله اسم زوين دو معنى و قيمة
ألماس : شكرا أ خالتي
الأم : بنتي باقا مامزوجاش
ألماس : ( إوى مشطبة كحلة تاني تي راني جاية نخطب فولدك يعطيك الدل احم استغفر الله ) احم لا أخالتي باقى
الأم : ولاش مغطية وجهك ؟!!!!؟؟؟؟ ... راااه كتجري على رزقك بالخمار
ألماس : لا أخالتي هانا نعاودها ليك بحل الخرافة
... انا كنت من نهار تولدت عمري خرجت حتى لمؤخرا كنت طريت نخرج نجيب شي حاجا و ملي كنت غادة مارديتش لبال لطريق و ضربني ولدك بطونوبيلتو وسخفت و هزني دارني فطونوبيل ومع بغا يفيقني ضطر يهزلي لخمار ورش عليا الما مي تصدم فاش شاف وجهي
..... مع دابا انا زوينة بزاف عمر ماما ماخلاتني نخرج ونهار خلاتني لبساتني الخمار و كتقولي دنيا عامرة دياب خبي وجهك تا يديك لي يستاهلك وديك ساع منك ليه ... لمهم ولدك شاف وجهي و من تما وهو تابعني باش نوافق نتزوج بيه ونهار وافقت قالي يجيبني عندك و انا درتها لو موفاجئة وجيت
الأم : جهد هدا
ألماس : ( لا خوه ) اه هوا اماما ... احم ممكن نعيط ليك ماما
الأم : طلعات من فمك بحال لعسل ... اه خودي راحتك ... وعلاش مغطية وجهك دابا حنا غا عيالات
ألماس : ولا ملي قالي جهد يتزوجني حلفت وعطيت عهد لله بلي منحيد لخمار حتى نتزوجو
هي كتعاود وجهد كان فدروج كيسمع وملي قالت ضربني بطونوبيل وسع عينيه وشير بصبعو ليه بمعنى واش انا بقى كيتسنط حتى كملت و هو يمشي عندهم
ألماس : هي لولة ا ماما
جهد : صباح الخير
ألماس : 😍
الأم : أجي نت ( ناضت شداتو من ودنيه ) هاكاوة محشمتيش ضرب البنت بطونوبيل وزايدها معري لها وجهها ... ماقلتي مزوجا مطلقى ( هنا قاطعاتها جهد )
جهد : ولا الواليدة وامادرت والو مكاتيب وصاف اححح قسحتيني
ألماس : ( بينها وبين نفسها ملي قالت الأم مطلقة ) برى و الباس عليا ... ماما متعايريهش كون ماضربنيش و ماشافش وجهي گاع ماكان غيبغيني و نبغيه
الام طلقات منو
و گلسات و گلس حداها كيشوف فالماس لي حنات راسها
الأم : على حساب ما بان ليا بغيتيها وبغاتك و انا ماغانزيدكم غا الخير ... مي كنديرو العرس
ألماس : معندنى منديرو بشي عرس ... راااه فيه غا الإسراف وصافي
الأم : لا وجيران ... راه خصنا نجيو نخطبوك بعدا
الماس : راه ماما عندها عملية بقات لهم يومين و يمشيو غير نتكاتبو زصاف ويطمنو عليا راه جهد شافهم
جهد : الوليدة حنا غنديو لبنت اش بينا العائلة كاملة انا دويت معاهم و هوما بغاو يطمنو على بنتهم حيت خصهم يمشيو ضاروري و انا قلت لهم غنتكاتبو صافي
الأم : مابانليش فهادشي ديالكم ...
جهد : الوليدى بغيتي سعادتي
الأم : حط كفها على حنكو بحنان .... مكاينش لي كيهمني كتر منك
جهد : إوى سعادتي مع الماس غترضي على ولدك يكمل دينو
الأم : الله يرضي عليكم ولي درتوه هاني معاكم
جهد : الله يخليك لينا
ألماس : ربي يخليك ا ماما
خرجات الماس وجهد من بعد ما ودعو الأم و دعات معاهم بصح ستغربات بزاف لهاد القضية وجاتها عجب مي سعادت ولدها اهم عندها من كلشي ركبو فسيارتو و نطالقو
ألماس : وقف معاك فشي بلاصة باش نهدرو
جهد : و مالكي على هاد البرود كامل
الماس : نهار قلت ليك مغنساهاش ليك راني عنيتها
جهد : ( تفكر ملي غوت وضار فيها ) راااه كنت معصب
ألماس حتى انا ماقلت وااالو من بعد ونتفاهمو
وقف قدام البحر ودار عندها
جهد : هاحنا وقفنا اشنو دابا
الماس : كيف قلت ليك العرس غيكون غدا بليل و فالمقبارة مع 12.30 عنداك تعطل .... اه دابا غنمشيو عند شي مول القاعات يكون معروف و زوين
جهد : ( تفرشخ بضحك ) ناوية ديري قاعة وسط المقبرة ولا
ألماس : نيييينييينييي ... سكت سكت ...
جهد : احم هاهو
ألماس : إوا هاكاك ... كيف قلت غدا بليل لعرس وفصباح غنمشيو عند العدول
جهد : 😧
ألماس : وي ... و وفالعقد غنتزوج بيك بصيفتي #ألماس_بنت_لعنة_بنت_شهرزاد
جهد : وملي يسولك على باك و على لاكارط
ألماس : لاكارت تكلف بيها نت لفلوس كيديرو كلشي اما العدول غير ربعالاف يكنب ليا مت جدى حتى هي .... اودي تعلم كفاش تصرف
جهد : صااافي فهمنا
ألماس : على سلامتي ... هي عاديتك بدكائي ... يلاه دينا لشي مول القاعات
ديمارا جهد وهو كيحرك راسو من ليامين لياسار بقلة حيلة
مسافة طريق و كانو قدام شركة تنضيم الحفالات عندها مكانتها وسط سوق و معروفا بجودتها و ابداعها
دخلو رحبات بيهم لاغيسبسيون لي ماحيداتش عينيها على جهد و غير كطلع و تنزل فألماس لي كانت شوية وطير عليها بشي نتفا دلاتهم لمكتب منضم الحفلات لي يلاقاو عندهم حاجتهم
طلعو فالأسانسير تحت عيون مستغربة فالماس و عيون هايمة فجهد لي كان سارح بتفكيرو و كيتمنى كلشي يدوز مزيان و يتجمع هو ومحبوبتو وسالبة قلبو و قدرو كيف سمات راسها و بدات الخمار كيف سماها هو اما هي مقابلا غا هاديك لغيسيبسيون لي كتهامس هي ووحدة خرى وكيشوفو فجهد لي غادي جنبها وصلو لمكتب دقو ودخلو رحب بيهم منضم الحفلات بحفاوة .... الماس مع دخلات تنفسات صعداء حيت لي غيدويو معاه راجل ماشي بنت حيت بقالها شوية و تنفاجر
دخلو و گلسو قدامو
م.ت : مرحبا بيكم عندنا مسيو جهد صافا ... مرحبا بييك شرفتينا
جهد : شكرا .... لمهم باين غراضنا غير من المجية عندك ندخل فالموضوع من دابا مكاين لاش نضيعو لوقت
م . ت : مرحبا اش حب الخاطر
الماس دارت رجل وگلست مستقيمية وتبعت حديتهم من اولو لآخرو حتى شاف فيها جهد باش تدوي
ألماس : ممكن تشرحلي الخدامات لي كتقدمو و مختلف قاعات الأعراس لي عندكم
م.ت : اكيد ... بدى كيشرح لها بالأنجليزية على كل القاعات
جهد بقى كيشوف فيها كان بغا يحبسو مي مابغاش يحرجها فضل يكمل هو و من بعد يفهمها مي
... هنا كانت صدمتو ملي بدات كتهضر بطلاقة فاللغة الإنجليزية بشكل جيد و كأنها مكتعرفش لعربية لدرجة فاتت مدير تنضيم الحفلات فطلاقة باش كتدوي خلات جهد و المدير غا حالين فمهم فيها
الماس : ( طبعا الكلام بالإنجليزية ) امم على حساب لي شرحتيلي كينين عنكم قاعات حتى فالمناطق الطبيعية لي خالية من بنادم و بعيدة على صداع ... وهادا هو المطلوب بغيتك منهنا لربعيام تجهز ليا قاعة بستائر بيضا و بورد الياسميين و شموع بيضة مع ضوء خافت ......بغيت جميع ديكورات بالأبيض لدرجة مجرد مكتحط رجليك فالقاعة تحس بسكون و الطمأنينة .... لمهن كيف قلت ليك بيت القاعة تكون مميزة ..... تفاهمنا وكنتمنا تدير لي قلت ليك
م . ت : ميكون غا خاطرك الالة
الماس : ( شافت فجهد ) مشينا
جهد : يلاه
ودعوه و خرجو من عندو عا غيركبو فالاسانسير وقفات الماس
الماس : جهد سبقني شوية و نتبعك
جهد : فين غادا
الماس : نسيت ماوصيتو على شي حاجة سير نت هانا دابا نلحق عليك
جهد : بففف متعطليش
طلع هو فاسانسير و رجعات هي دقات الباب و دخلات
الماس : مسيو
م . ت : مرحبا .. ممكن نساعدك بشي حاجة ؟؟؟
ألماس : بغت قبل ساعة من العرس دنيا تخوى مابغيت لا سربايا لا والو لقاعة خصها تكون جاهزة و بس والگاتو يكون فمكانو و موسيقى هادئة .... تفاهمنا
م .ت : تعجب ليها و كلامها طيح فيه شك .. مي ماعليه غا ينفد و صاف : أكيد كوني هانية
ألماس : مزيان
خرجات و سدات وراها الباب ركبات فالمصعد و تاجهات لعند ريسيبسيون
لقات بنت خرى
ألماس : سلام لبنت لي كانت هنا فين مشات
البنت : مرحبا ا مدام . .. اه تشونجيت انا وياها على ما اضن غتكون فالكافيتيريا
الماس : ممكن تقوليلي فين جات هاد الكافيتيريا
البنت : ( وصفات لها طريق بابتسامة ) من هنا
الماس : اوكي تانكس
مشات الماس دخلات الكافيتيريا .. كضور فعينيها ... حتى كتبان لها ديك البنت مع صاحبتها
وقفات عليهم الماس كيف قباض رواح
الماس : وافين اتريكت زلالة ... هو كان معروف تزلال غا فرجال لبسنا هادشي باش نسدو فامهم .... صدقنا و حلنا فيكم جتى نتوما شنو حتى راجلي نسلفو حوايجي باش تجمعو دوك جوج بيات عندكم و تسرطو ديك الكسيطة لي فمكم ... إوى قلت الحيا هادي كتشوفو راجل بمراتو و مبلگين فيه عيينيكم ...
البنت : نعام نعام كفاش اش كتقولي نتي .... و اصلا نتي ماتايقاش فراجلك ولا حتى فراسك اما گاع ماتجي عندي
الماس : نينيني ( كتعيب فيها ) نعام فلما ا حبيبة..... من ناحيت تيقتي فيه فايتة تيقتك نتي فهداك لي عطيتيه راسك برخيص ( مع هاد الكلمة بقات غا كدور فعينيه اما لي حداها شافت فيها باستنكار كتسناها اش تقول هه اودي شكون خلاها دوي ولا فين دوي ) اما تقتي فراسي فهادي كبيرة عليك ...لمهم باغا تحافضي على خدمتك جمعي عينك عندك .... اما لي حالا فيه فمك گاع ماعارف واش ربي اصلا خلقك حيت عندو لالاك فدار و بوحدو لي شايفها ... ماشي كيف شي ناس ... لمهم باي باي راجلي حبيبي كيتسناني
ضربات فيهم بجوجات و خرجات هازة راسها لسمى وصلات لقات جهد راجع ليها
جهد : فين تعطلتي
الماس : زينو على الحبيب نتاعي تعلق ... ( دوات بنبرة حادة ) كنت كنشرح لشي ناس حدودهم فين كاينين . ... يلاه مشينا
طلعو بجوج فسيارة و رجعو ادراجهم
مر الوقت كان جهد بدى اتصالاتو باش لاكارت تكون واجدة ليوم بليل باش غدا فصباح يتكاتبو .... ولحسن الحض عندو صاحبو عقيد فمركز شرطة الخاص بالمدينة توسط ليه وقضى ليه الغراد مع ميزانية ديال لفلوس و كيف قال هو الماس يا غتكون سبب موتو او افلاسو
اما الماس فملي رجعات بداو مراسم تسليم القلادة ليها ... ويعلنو لأهل لمكان على حاملة العهد الجديدة كانت گالسة فمقعد الوسط لاوية عليها شال بيض على شكل غوب حد الفخاض بدون اكمام و مجموعة من النساء هازين شمع فيديهم و لابسين لباس موحد بالأبيض عبارة عن عبايات و مغطيين و جهم بغطاء شافاف فنفس لون تقدمات وحدة منهم هازة فيديها إناء فيه حليب خواتو على الماس من راسها لرجليها ببطئ ... وبداو كيدورو عليها مع نطق كلمات غير مفهومة
كملو شعائر وجات لعنة جنب ملاك و ريماس حتى هوما بنفس الزي لبسوها القلادة
ومن بعد تلقات تهاني من الحاضرين و عناق من امها و توأمها ريماس
كملو ودخلات هي غسلات حالتها و تاجهات لسريرها جنب ختها من بعد ماتعشاو
ألماس : ( معنقة ختها لي كدوز لها على شعرها وسارحة فتفكيرها ) اش غتقول ماما ملي تعرف
ريماس : اكيد غتعارض مي مع الوقت غتقبل الفكرة
الماس : مابغيتش نمشي ونخليها غاصبة عليا
ريماس : تت ماتخافيش .... ميتحيل تغضب عليك هي غتقلق شوية مي من بعد غتنسى
الماس : زعمااا
ريماس : وي غاتهناي .... يلاه نعسي مشى الحال
🌞🌞🌞 أصبحنا و اصبح الملك لله 🌞🌞🌞
وها نحن جاء اليوم الموعود فاق جهد ... اشمن فاق نقولو ناض حيت عينو ماشافتش نعاس من قوة تخمام فلي جاي ليوم غيتحدد مصيرو مع محبوبتو لي خدات عقلو و روحو و قلبو ناض ... وجد راسو و هود لقى الماس عند طنوبيل
جهد : صباح الخير علاش مادقيتيش
الماس : صباحو ... حسيت بيك جاي ووقفت نتسناك
طلعو فسيارة وديمارا جهد
جهد : فطرتي
الماس : وي غير يلاه نكملو دغيا خصني نرجع بزربة .... اه وماتنساش لوقت هو الوقت
جهد : صافي غا رتاحي
مشاو عند العدول عطوه لي كارط و دور معاه جهد باش يكتب فالعقد لي قالو ليه
وكيف وصات ملاك الماس خاص العقد زواج لي مدتو 100 عام دابا يتعاود بسميت الأحفاد ولي هوما
#جهد_ابن_مصطفى_آل_خالد
و
#ألماس_بنت_لعنة_بنت_شهرزاد
كيف قالت تبعو كلامها و ان لعنة كيف بدات خصها تسالي .. واخة هاد الخطوة ممكن ضرها هي نيت
كملو وخداو العقد و كلا عاد ادراجو
وصل ليل وهاهو جهد بلباسو الأسود قدام باب المقبرة فتحو و تم داخل غادي وسط عتمة ليل اتجاه النور لي كايبان ليه ماوقف حتى لحد مجمع نساء بزي اسود مغطيين وجوهم بأقنعة سوداء و هازين فيديهوم شمع اسود بداو دوك النساء كيديرولو طريق منين إدوز حتى وصل عند ملكة قلبو لي كانت فابها حلة بفستان اسود ولا اروع تقدم حداها و شد وجها بين كفوفو وقبل جبهتها و من بعد دارو عند ملاك لي كانت كيف العادة بتوبها الأبيض و نورها الساطع و بجنبها ريماس اما لعنة فمجاتش ورفضات الفكرة رفض قطعي
وطبعا تصرف لعنا جرح الماس لي كانت ناوية توقف كلشي لولا ريماس لي قنعاتها تكمل طريقها وتصبر ... وكيف قالتلها ملاك مادام بغات جهد فلا بد ماتخصر حوايج هوما ماشي غير حاجة وحدة
هزات ملاك كفوفها لسما و بدات كتقول كلام غير مفهوم و بصوراخ
ملاك : ليوم اكتمال القمر و ليوم كيف كان بداية لعنة لي نتاقلات اب عن جد غيكون نهايتها .... ليوم تكتب نفس العقد زواج لي تكتب من ميات سنة ..... ليوم بداية جديدة للعهد لي غيكون سلم و حب حقيقي بين حفيدة شهرزاد و حفيد يعقوب آل خالد
ليوم بداية جديدة ... ليوم غتحل طمأنينة على كلشي و غنرتاحو لعنة مكانتش فقط لبكر آل خالد بل كانت لينا و لبناتك اشهرزاد فكل قبر كيتفتح كنتحرقو حنى مع كل روح كتحرر و گاع لي مجموعين هنا بغاو يتحررو من هاد اللعنة .... خدات لقلادة ورفعاتها بيديها لسما ة كتردد تلاتيل بلغة عبرية غير مفهومة
مع دبك تراتيل ضهر صراخ و كانووو رافض كلامها رفض قطعييي
ملاك : شهرزاد ... خصك ترتاحي و تريحينا خاص روحك تغادر ... و القلادة لي حماتك ليوم غنخفيها .... بدات تاني كتردد كلام بلغة عبرية ولكن فلحضة و كأنا القلادة تجرات من يديها وشدها شخص آخر شيئ لي خلا كلشي يتصعق و يجمد فمكانو ملي شافو نسخة مكبرة شوية عن الماس لولا بعض الخصلات الشعر المنساب البيضاء لي كدل على شيبها و كبر سنها لا قال. الماس نفسها ريماس كانت دايرة قناع وواقفة حتى هي جنب ملاك مصعوقة كيف البقية كانت شهرزاد واقفة وهازة القلادة و كتشوف فيهم باستنكار
تكلم صوت من الخلف خلا كلشي يتلفت
لعنة : قلت ليكم مستحيل توافق ولا ترضى
حل صمت لبعض لحضات يسوده نضرات الشرسة ديال شهرزاد ...; ودامعة ديال ألماس و ريماس
والمندهشة و المصعوقة ديال جهد
ونضرات حنينو اشتياق من جهة لعنة لأمها شهرزاد اما ملاك فتاهت بين نارين واشتفرح لضهور شهرزاد لي اعتابراتها بنتها وشمعة ضلمة القبور اولا تحزن للي جاي و تتاسف على لي غيعانيوه كل من جهد واالماس
كسر صمت صوت شهرزاد لي صدر كأنو فحيح للأفاعي
شهرزاد : لعنة..... لعنة..... لعنة .... يا للأسف لأول مرة نحملك مسؤولية شي حاجة و تقديش عليها .... صدمتيني فيييك ..... لي بيت نوضح ليكم ... بلي لوكان بامكاني للعنت كل راجل نوجد من بني آدم على الأرض ... ماشي فقط رباعت آل خالد ..... لأنو كل راجل كيسحابلو ربي خلقو غير هو فيين هي المرة من هادشي كامل امممم ... أنا مكرهتش كل مرة تعطى لها لفرصة لي تعطات لياا انا شهرزاد ... وتاخد حقها بيديها .... سمية لي كتحاولو نتوما تمحيوها ( شافت فألماس ) خلا كل راجل فعصري وجيليو حتى فقبيلتي لحد الآن يدير المرة تاج فوق راسو .... اش يسحابلكم انا مرتاحة و انا ميتة ولكن محاصرة فهاد دنيا المسخة اممم شنو يسحاب ليكم راني فرحانة ... لانتوما كتحرقو مرة ملي كيتفتح شي قبر بسباب آل خالد الحقيرين أنا كنتحرق ميات مرة
مي على قبل كل بنت من بنات حواء مستعدة نتحرق الف مرة باش كل وحدة تاخد حقها
لعنة : ماما ( هزات شهرزاد يديها على شكل صطوووب )
شهرزاد : كنضن فقدتي لحق باش تناديني بهاد الإسم
لعنة : حنات راسها بأسف
ريماس : جددددى
المرجو ترك تعليقا لتشجيعنا