#حب_في_المقابر
بقلم✏:زهرة العمر
👻بارت:5 👻
....: أكيد نت هو جهد
جهد : تلفت عندها : نعام
ملاك : أنا ملاك جدات ألماس
جهد بقا كيشوف فيها و فنور لي علا وجها كتبان بحال شي ملاك تقول غير گمرة هودت باش تضيء ضلمتو و تعطيه نور ساطع يبعت طمئنينة فقلبو
ملاك : ولدي جهد
جهد : نعام أ خالتي تشرفت بمعرفتك
ملاك : أنا لي يحسن ليا شرف بمعرفتك ألماس كتضل تدوي عليك
جهد : شكراا بزاف
ملاك : لمهم أولدي ألماس عاوداتلي عليك و على شحال كتبغيها ...... ( سكتات شوية وكملت كلامها ) وأكيد عاوداتليك حتى نتى على اللعنة و شنو الحل ديالها
جهد : أه أخالتي و أنا مستعد من دابا نسكن معاها فضلمة القبور
ملاك : ولكن هي طلباتني باش تغير لعنة و أنا غنوافق و نعاونكم باش تعيشو بحالكم بحال ناس مي غتحملو كل العواقب منهنا القدام و غتؤاداو بزااف و ماعليكم غا بصبر
جهد : مستعد نتحمل أي حاجة لمهم ألماس تكون معايا
ملاك : كنتمنى تكون عند كلمتك و ماتخدلهاش
جهد : كوني هانية من هاد ناحية
ملاك : لمهم نبدلو ... أول شرط باش تزوجو هو أنك خاصك دخل لهاد القبر و تگلس فيه من دابا و تخرج قبل ماطلع شمس حيت لا طلعات غتبقى تما طول حياتك و نهايتك غتكون تحت بَلاَطُو ... داكشي علاش خاص يكون مرشدك فهاد اللحضة هو قلبك وهادا غيكون مقياس حبك لألماس خاصك متخرجش لا من بعد ولا فاش تشرق شمس خاصك تخرج قبل بخمسة دقايق ماتشرق شمس ... جهد ركز قبل بخمسات الدقايق لا خرجت قبل عمرك تقدر تشوف ألماس و إلا بقيتي حتى لمن بعد نهايتك هنا
جهد : و كفاش غنعرف
ملاك : كيف قلت ليك لاكنتي كتبغي ألماس غيكون تواصل بين قلوبكم و أكيد ألماس غتصيفط ليك إشارة أما إلا مكتبغيهاش فماكاين لاش تدخل حيت هنا غتكون نهايتك
..... وكيف قلت هاد الإختبار مقياس لحبكم
جهد : موافق
ملاك : ( حطات يديها على حنكو و دوزاتها بحنان وبتاسمات ليه ) إكون خير
جهد : متأكد مغايكون غا الخير فقط نور وجهك قادر يعطيني أمل لميات عام من بعد
ملاك بتاسمات ليه وتمت غادة بخطوات تابتة مخلياه وراها : بسلامة أولدي
بقى متبعها وهو مبتاسم حتى ختافات وسط ضلام جبد تيلي شعلوو لقاه طافي
مترددش لحضة و نعس فنفس القبر لي حل المرة لولة وبدى كيجر البلاط عليه بلاما يضيع الوقت حيت معندوش إستعداد يخسر آخر فرصة فأنو يعيش مع ألماس فنور
ويعيشو كيف ناس عادي
هو براسو مافاهمش اش كايدير حاجة وحد لي عارف انو كيبغي ألماس و مستعد يفديها بروحو
هو براسو مافاهمش اش كايدير حاجة وحد لي عارف انو كيبغي ألماس و مستعد يفديها بروحو
مر الوقت لدرجة نعس حتى كيشوف ألماس كتعيط ليه بتولها الأبيض ووجها لمنير كالبدر
ألماس : جهد جهد نوض أ حبيبي
ناض مفزوع وبدى كيتخنق مد يديه كيدفع فالبلاط حتى تحل شوية بدى كيشتنشق الأكسيجين لي نفد منو بقى شهيق زفير حتى رجعات فيه الروح عاد كمل دفيع و هو كيدعي أنه ميكونش خرج قبل من الوقت ناض كيشوف الحال باقي مضلم بقى مدهشر شنو زعما خرج قبل من الوقت لا ميمكنش يعني ضاع كلشي لا ميمكنش بقى كيتمشى ماسافة حتى عيا و لقى راسو فنفس البلاصة لي وقف فيها مع ألماس ..... عاود كيتمشى جوج و تلاتة و ربعة عيا مي كيلقا راسو كيدور فنفس البلاصة بدى شك كيدخل قلبو
جهد : شنو زعما أنا دابا ميت هه لا لا بزاف ياكما تكون غاروحي لي خرجات وكتسارى ... هي دابا أنا باقي فالقبر أصلا ميمكنش يدخل شي حد لقبر و خرج .... ياربي اللهم نموت ولا نعيش بلا ألماس .... ولكن ماما و فهد و نرجس مبقيتش غنشوفهم ..... ألماس ( بدى كيعيط بجهد ) ألماااااااااااس
مع الصرخة الأخيرة نااض قافز من فراشو كولو عرقان
جهد : كفاش اش هادشي وقع كنت تما وليت هنا كي درتي ليها و ألماس فين ألماس
تفتح الباب و دخلات الأم ديالو
الأم : ولدي صباح الخير
جهد : صباح الخير الوليدة
الأم : مالك ياك لاباس
جهد : نو والو غا حلم خايب
الأم : ولدي واخة نسولك
جهد : أكيد تفضلي
الأم : على قبل ممم..... اا .... ( سكتات و دوات بزربة ) شهرزاد بانت فحياتك
جهد : .... كفاش ..... وعلاش غتبان فحياتي .... داكشي غتخربيق
الأم : بصح مكتكدبش عليا من داك النهار و أنا كنشوف احلام خايبة و كنتعدب اهئ اهئ خفت تديك ليا كيف داتهم كاملين
جهد : ناض عنقها : لا أ حبيبتي هانا معاك ماكاين لي يديني ليك هههه غا تهناي ( مسح لها دموعها )
الأم : إوى يلاه وجد راسك و هود تفطر
جهد : هي لولة الوليدة ربي يخليك ليا .... اممم شخبار فهد ونرجس
الأم : بيخير ديما كيسولو عليك كتخرج قبل مايفيقو و تجي من بعد ماينعسو ... الله يرضي عليك دير ليهم وقت ووقت لراسك ... متبقاش غالخدمة نهار وليل
جهد : صاف أحبيبتي ليوم نكمل گاع شغالي و غدى هاني معاكم نهار ديالكم
الأم : مامحتاجينش غير لنهار و راهم مامحتاجينش لفلوس قد مامحتاجين لخوهم سندهم
جهد : إوى ألالة حتى ليوما مغاديش غارتاحي
الأم : ( فرحات ) الله يخليك ليا يلاه نمشي نوجد الفطور ونفيقهم
مشات و هو تاجه لحمام و قف قدام المراية بصدرو العريان ومزال مافاهم زفتة كفاش بات فدارواش كان غا كيحلم مي راه ميمكنش يكون كيحلم . . زعما يكون ميت مي راه مو قدرات تشوفو يعني راهو حيي قاس المراية بيديه من بعد استغفر الله و تخشى تحت الرشاشة كيكب عليه المى دافي و هو سارح فتفكيرو كمل وخرج لبس سروال سيرڤيت گري مع بودي بيض برز عضالاتو و بنيتو الرياضية كان كيمسح فشعرو لي فازگ
حتى كتبان ليه ألماس كتشوف فيه من البلكون
جهد : ألمااااااس كفاش طلعتي هنى
ألماس : مالي خصني نتشاور مع شي حد قبل مانطلع نشوف راجلي
جهد : الوليدة غتشوفك
ألماس : علاش مالي خليها تشوفني ولا ماراضيش بيا
جهد : ولا ..... الوليدة باقا مؤزمة من قصة شهرزاد و إلا شافتك غيتأكدو شكوكها ... أه أجي بعدا كفاش كنت لهيه وليت هنا مافهمت لعبة و واش انا حي ياك .. ياكما غنموت و نمشي لجهنم
ألماس : خلي جهنم لعائلتك و دكورها. ... نت حي و راك نجحتي غالإختبار و جدة ملاك فرحانة بيك .... ومتفكرش بزاف باش مايضركش راسك.
جهد : ألماس ممكن نطلبك طلب
ألماس : وي
جهد : تقدري تعاةني ماما تنسى كل ما يخص عائلة آل خالد و أسطورة شهرزاد
ألماس: ( غوتت فوجه ) جاااااااااهد ..... منسمحش ليك ..... حنايا تخلقنا باش نفكرو نااااس فشهرزاد و الضلم لي عاشتو ماشي باااش نسيوهم و نمحيو دكراها حنا كنفكرو كل واحد قبل ماينساه ... مي نت اش كتقول نسيو ماماك فيها ... على الأقل لا معطيتيش أهمية لدكراها ولضلم لي سببو ليها جدك عطي أهمية ليا قبل ماتطسر خاطري
جهد : ألماس حاولي تفهميني ..... راااه الوليدة متخوفة من هاد القصة بضبط وبسبابها ممكن نلقاو مشاكل كتيرة .... تعيق علاقتنا
ألماس : ههههه نعاااااام كفاااااش .... من نيتك أ بب ..... شوف حنا كندكرو ناس بشهرزاد ماشي كنمحيو دكراها ... هادا مبدأ و عمري غنتنازل عليه
جهد : ولو على قبلي أ ألماس على قبلنا بجوج .... بلييييز أنا متأكد بلي تقدري غير حاولي بليييز
ألماس :
جهد : بليييييز راه الوليدة ماعندها ختى دنب بليز ... يااااك أنا لي مهم .... وأنا عمري نسى و لكن بليز عاونيها راها كتعدب فصمت
ألماس : هووووووووف صافي صافي ..... غنمحي كل حاجة كتعلق بشهرزاد من داكرتها تهنيتي بفف .... (بنها وبين نفسها ) سمحي ليا أجدى سمحي ليا
جهد : بصاااااااااح
ألماس : وي وي يلاه نزلو
جهد : و اش غنگولو ليها لا سولت عليك ...
ألماس : غنعاودو ليها كلشي عادي من A حتى ل Z
جهد : هاااااااااا كفاااش
ألماس : كيف كتسمع أ بب
جهد : ههه كضحكي ياااك
ألماس : هههه تت راه كندوي بصح
جهد : واش من نيتك
ألماس : ( واقفة و مربعة يديها بعجرفة و دوات بنبرة استهزاء ) نن من قلبي
جهد : ألماااااااس
ألماس : ( ببرود ) روح الماس
جهد :
ألماس : بلا ماتشوف فيا دوك شوفات ... راه غنعاودو لها كلشي عاد نمسح لها داكرتها
جهد : ؟؟؟؟؟
ألماس : ( مشات لبالكون كدوي و كتشوف ناحيت جردة ) جهد سهلها تسهال ... عادي غنزلو دابا عند ماماك نعاودو ليها كلشي و من بعد ممكن تسخف ممكن تبكي مي غنمسح لها داكرتها و كأن شيء لم يقع
جهد : و إلا وقعات لها شي حاجة
ألماس : جهد هادا هو شرطي باش نمسح لها داكرتها
جهد : ( هز راسو بقلة حيلة ) نتبعوك نشوفو فين تخرج
ألماس : أنا لي نتبعك تسيق ماما الخبار تقبرني
جهد : زيدي زيدي نتي مايقد عليك غالي خلقك
ألماس : تؤبرني يا ألبي
هودو لقاوها موجدى لفطور
كانت فالكوزينة ملي سمعت الخطوات
الأم : حبيبي فيق فهد و نرجس
جهد : الوليدة بيت ندوي معاك
الأم : كتمسح فيدها باش دور عندو : الله يسمعنا خبار الخير ( مع تلفتت تصعقت ملي شافت حداه بنت لابسة خمار بالأسود من راسها لرجليها ) جهد ؟؟؟
جهد : احم هادي ألماس
الأم : كفاااش
جهد : گلسي ندويو معاك
الأم : هههه من إمتى ولاو الغرباء يشاركونا فهضرتنا أ جهد ( قالت هاد الهضرة وهي كتشوف فألماس )
ألماس : هه لواه أ ماما فين هوما الغراباء واليدين جهد واليدية و خوتو خوتي أولا ا جهد
جهد : احم الوليدة لي بينا نقولو .... ( قاطعاتو الماس )
الماس : أولا أ جهد
جهد : أه أ ألماس أه
الأم : بقات غا متشوف مافهمت زفتة : ممكن شي تفسير
جهد گلسها فصالة مونجي لي فالكوزينة و گلس ألماس و گلس حتى هو و شد لها فيديها
جهد : الوليدة
الماس : جهد أنا نعاود ليها لمهم أ ماما أنا ألماس بنت لعنة بنت شهرزاد
مع سمعت سميت شهرزاد طلقات يد ولدها ووقفت و عنيها عمرو بدموع
الأم : جيتي تديه يااك بغيتي تحرميني منووو .... بعدي من ولدي مدار وااالو حراااام علييييكم
ألماس : ممكن تسمعيني هو لول ... رااااه أنا كنبغي جهد وحتى هو كيبغيني
الأم :( قاطعات كلامها ) تتت لا ولدي متمشيش معاها غاتاخدك ليا .... ولدييييييي .... نهارت بالبكى
جهد : ألماس عجبك الحال دابا الوليدة كالم هانا معاك
ألماس : هووف حيد حيد
جهد : زگااااي متقيسيهاش تفاهمنا زگاااي
ألماس : نعاااااام !!!؟!
جهد : الوليدة فيقي .... شتي ها هي سخفات
ألماس : هزها و ديها البيتك يلاه خلاص
هزها كيييف قالت وخطها فبيتو فوق تموسية وگلس حداها
ألماس : نوض لبالكون
جهد : ههه شنووو
ألماس : كييييف سمعتي ... وهادشي لي درتي كامل مزال تخلصو كااامل و بتريبل مي ماشي دابا من بعد
ناض جهد طافج ... خلا ألماس كتقلب فعينيها بملل
ألماس : لمهم واخة نتي مغمى عليك مي قادرة تسمعيني ... كيف قلت أنا حفيدت شهرزاد و شهرزاد عمرها ما ضلمات شي حد ممكن حنى ضلمنا مي بسبب لعنة لي مقدرش أي بكر من عائلة جهد يمحيها أولا ييوقفها قبل ما يعرفها... لمهم لعنة نزلات بسبب شهوة عائلة رجال آل خالد .... و لعنة مكتولي لعنة حتى كيشوف بكر العائلة وجه بناتنا كيف قالت جدى شهرزاد حيت قبل ماكايشوفونا ماكتكون عندهم حتى شهوة ولو جهد دار بكلامي و متجرأش و حيد الخمار على وجهي كنا غنعيشو هانيين و بلا گاع من هاد سير و أجي ودير مي هو ختار يشوف وجهي ممكن كون ماشافوش كان كلشي غيتغير مي هو بهاد تصرف ربط راسو بيا دابا يا أما يعيش معايا فين ما عشت يا أما غيتدفن كيف لي سبقوه و خانو الوعد تحت الأرض حتى يموت و هو حي ( بدى تنفس الأم كيتزاد )
لمهم كيف قلت لك جدى مضلمات تاواحد فيكم
هي لي تضلمات و من حقها تختار وسيلة إنتقامها تكون كيف بغات و للأسف الوسيلة هوما حنا و ماعلينا غنقبلو بقدرنا و نعيشوه و كيف ما ولدك خلاصي فراه حتى أنا خلاصو
لمهم دابا خصك تنساي كلشي ياااك
حطات يديها على جبهة الأم و بدات كدوزها بحانان و كتنطق بكلمات غير مفهومة
شويا وناضت من حداها وخرجت عند جهد لبالكون دوات بلاما تشوف جيهتو
ألماس : ملي غتفيق مغتعقلش على اش طرى ً... المهم غدا غنجي و غتعرفني عليها و خلي كلشي عليا ووجد راااسك من دابا تلتيام غنتزوجو فالمقبرة ... ومن دابة ستيام غنديرو العرس ندويو فتفاصيل من بعد
جهد : ( كان غير كيسمع ولتمس لبرود فكلامها ) ألماس
ألماس : هزت يديها جيهتو ( بمعنى حبس ) : نتلاقاو غدى و ندويو فتفاصيل
خرجت من عندو راجعة لبلاصتها
فمكان آخر و بضبت تخت ضلمة القبور
ريماس : ماما بليز تا إمتا غتبقاي مخبيااها
لعنة : ريماس ميمكنش نعطي لقلادة لتاوحدة فيكم نخاف بسبابها تبعدو على بعضياتكم
ريماس : ماما راااه بحالي بحال ألماس حنى واحد ... من عندي عطيها ل ألماس
لعنة : لا هي لا غتبقى عندي ... هي غتبقى عندي
دخلات عليهم ألماس
ألماس : مالكم تاني ؟؟؟
ريماس : والو هدا هو الوقت المناسب لي ماما خصها تعطي لقلادة لبنتها على حسب العادة... و هي حارت بيناتنا وقلتلها غير تعطيها لييك حيت بحالي بحالك ... وحنى شخص واحد أولا ( غمزاتها بلا ماتشوفها لعنة )
ألماس رجعت بداكرتها لور
فلاش باك 🔙
ألماس : هووووف خصني ضروري شي حل
ريماس : اممم .... اش بان ليك القلادة ممكن تعاونك اولا
ألماس : على ماسمعت بلي عندها ميزة خاصة و ممكن تفيدني بزاف حيت كتمكنك من انك ديري اي حاجة وبيها بدات لعنة و اكيد بيها غاتسالي
ريماس : خصنى شي طريقة باش نقدرو نقنعو ماما
ألماس : وي مي اشنو هيا
قاطعاتهم ملاك
ملاك : ألماس لا بغيتي داكشي لي فبالك يوقع خاااص ضروري القلادة تكون معاك
ألماس : وكيندير لها دابا بففففف
ريماس : لمهم غنفتاتح معاها الموضوع ونشوف شنو تقول
ملاك : ولكن أ ألماس كاين واحد المشكل
ألماس و ريماس : اشنووو هوااا
ملاك : لمهم لصدق هادشي لي غنديرو نت الوحيدة لي من حقك تخرجي منهنا وتعيشي مع جهد وعمرك مغترجعي دخلي لهنا حتى يتحقق واحد الشرط ... يعني وجدي راسك بلي غتبعدي علينا وممكن عمرك ترجعي تشوفينا
ريماس بمجرد سمعت الخبر طاحت دمعة حارة من عينيها أما الماس نزل عليها الخبر بحال الصاعقة و طاحت منهارة و دموعها شلال
ألماس : لا ميمكنش ؟؟؟؟؟
ريماس : نزلات عندها عنقاتها وهي كتبكي : حبيبتي متبكيش اهئ ..... أهم شي انك غتعيشي مع جهد و اكيد غيسعدك
ألماس : ( هزات يديها مسخت دمعت ختها ) ميمكنش نمشي ونخليكم واش عرفتي اشناهيا ممكن عمري نرجع نشوفكم ... ميمكنش نعيش بلا حضنكم نتي وماما الحضن الحنين لي كيخليني نآمن بلي غدى غيكون حسن .... ماما كتعطيني روح ونتي الحياة ببعدي عليكم ماكاين حتى طعم للحياة ...... راه ميمكنش نعيش بلى بيكم
ريماس : ألماس هانتي غتقلقيني عارفة بلي حنا إرتباطنا كبر من أنو يقتاصر على ارتباط أجسامنا حنى راه شخص واحد و روح وحدة .... واخا يبتاعدو اجسادنا راه ارواحنا مرتابطين و احاسيسنا كتر
ألماس : ميمكنش نكون انانية لهاد درجة لي تخليني نمشي ونخليكم وصت هاد الضلمة
ريماس : ضمت وجه ختها بين كفوفها : حبيبتي أنا غنكون أكتر وحدة فرحانة فعلى الأقل وحدة فينا تحررات من هاد الضلمة و أكيد جهد غدي يسعدك ... ماتنسايش راه بات ليلة كاملة فالقبر وخرج فالوقت و اكيد غتكونو سعداء
ألماس : عمر سعادتي تكمل بلا بيكم
ريماس : وعمر سعادتنا غا تبنى على تعاستك .... سيري وعيشي حياتك ونهار يتحقق شرط نكون أنا أول وحدة تزورك ... أوكي بب
ألماس عنقاتها بجهد ألماس :كنموووت عليييك
ريماس : أححح كون تشوفي يانا
ناضو بجوج تخشاو فبلاصتهم
ألماس : فين ماما
ريماس : كان ضارها راسها شوية ونعسات
إنتهاء الفلاش
العودة إلى الحاضر
ريماس : ياك أ ألماس
ألماس : ويلي يا الحمقة حنا بحال بحال ولي خظاتها فينا مزيان
ريماس : إوى شتي أماما ياك قلت ليك من عندي عطيها لألماس
لعنة : هاد ساعة غتبقى عندي ... حتى نفكر شكون فيكم لي كتستاهلها
ريماس : ماما من اللخر عطيها الألماس ... نتي عارفة بلي هي الأشطر بيناتنا فحل الأمور و الأحكم .... سبحان الله خدات كلشي من جدة تقول غير شهرزاد لي بيناتنا ... ماخلات جمالها و لا حكمتها ولا شاجاعتها يا سبحان الله .. شهرزاد ماتت و خلات خليفتها نسخة طبق الأصل عنها
( ريماس معنقا مها من كتفها و كتدوي وكيشوفو فالماس ... سهات لعنة مع حديت بنتها لدرجة ولات تشوف ألماس هي شهرزاد و بصح ريماس ماكدباتش .. من صغرهم كانت ألماس متال الشجاعة و الحكمة ... وكانت ريماس متال الحنية و تضحية سبحان الله لي ناقس اللولة كمالتو عند لوخرى شيء لي حقق تكامل داتي بيناتهم و جمعهم كتر ووحد روحهم كأنهم شخص واحد )
ريماس : إوى من اللخر أنا هاد القلادة مابغيتهاش لا بغيتي تعطيها عطيها لألماس
#يتبع
المرجو ترك تعليقا لتشجيعنا