#حب_في_المقابر
بقلم✏: زهرة العمر
👻 بارت:4 👻
ألماس : لبلاصتي و الأصلي و فصلي
جهد : وتمشي وتخليني ياااك قلتي نت قدري و أنا قدرك ... و ألماس لجهد و جهد لألماس ... دغيا غتسمحي فحبيبك
ألماس : جهد نت لي بغيتي هدشي و نت لي ختاريتي هاد طريق للأسف هنا ساااااال كلشي هنى تكتبت آخر سطور جهد و ألماس
جهد : ألماس ... ماتمشيش .... أنا ماخايفشمن الموت أولا من هادشي كامل ... ولكن راني خايف عليك نتي ... و كنبغيك ..... ماتمشيش
ألماس : جهد غنخليك دابا ... خصني نمشي ... أه و قبل ماتقول كتبغيني خاصك هو لول تعرف ..... واش كتبغيني أنا
ولا كتبغي حبي ليك
و لا كتبغي جسدي .... فهمتي بسلامة بالي تعطلنا فالكلام بزاف الحال قرب يصبح
مشات و خلاتو
فمكان آخر و بضبط جنب قبر لي هو قبر شهرزاد گالسة مرة و كتشعل شمع جنب القبر
جات من وراها مرة لابسة خمار كلو أسود
دات الخمار : سلام أ لالة اش كديري هنا
المرة : عليكم سلام ... امم جيت نزور مول هاد القبر كيقولو ولي صالح و براكتو سابقة جيت نزورو
دات الخمار : كفااااااااااش .... ولكن راااه هدا ماشي ( قاطعاتها مرة خرى دايرة خمار جراتها من يديها لتيساع )
دات الخمار 2 : ريماس ماااالك
ريماس : جدى ملاك رااااه هاديك كتقول على جدى شهرزاد بلي هي ولي صالح ... خليني نقول ليها راه جدى هاديك
ملاك : لا أبنتي سمية عمرها شكلت فرق الأهم شكون كاين فالقبر و من ديما شهرزاد عزيز عليها لي يزورها ..... عرفتي أبنتي ريماس ناس شحال كيقطعو ديال المسافة باش يجيو يشوفو جداك خاصك تفرحي وهاد المشكل
ديال سمية مخاصوش يشكل عندك فرق خاصك تفرحي ... تفاهمنى أبنتي
ريماس : أه فهمت
ملاك : أجي نتسناو حتى تسالي ديك المرة هلي نگلسو حنا
بقاو واقفين شحال عاد مشات ديك المرة و گلسو حدى القبر ... شعلات ريماس الشمع لي جابت معاها و دعات مع جداها ...
ريماس : جدى شهرزاد لباس عليك ..... عرفتي مكرهتش كون كنتي عايشو بقى معانا ماما ديما كتعاود لينا عليك .... كانت ناوية تجب مي عيات شوية ... حتى ألماس توحشاتك عرفتي قلبي مقبوط عليها ليوم مشات عند جهد كنتمنى تلقى شي حل يرضي الجميع ... امم فراسك ماما كتقول لينا بلي حنى طلعنا فوطوكوبي ديالك ههه غير كنشوفألماس كتجي نتي فبالي .... جداتي حبيبتي جيت نطمنك أكيد ألماس غتلقى حل و غتكون هي خلاصنى كاملين و هي لي غتخليك ترتاحي و أكيد هي لي غتخرجنى لنور ... عارفاك حتى نتي كتعدبي لعدابنا كنتمنى ألماس مطولش بزاف ..... يلاه نخليك قربات تطلع شمش خصنى نمشيو
ملاك : شهرزاد أنا باقة عند وعدي و كيف قلتي نتي أكيد ألماس غتكون هي سبب نهاية لعنة و أنا غنعاونها غير رتاحي .... امم لعنة كتسلم عليك بزاف وراها توحشاتك يلاه بسلامة
كملو و قصدو مكانهم كيف العادة
ملاك : شهرزاد أنا باقة عند وعدي و كيف قلتي نتي أكيد ألماس غتكون هي سبب نهاية لعنة و أنا غنعاونها غير رتاحي .... امم لعنة كتسلم عليك بزاف وراها توحشاتك يلاه بسلامة
كملو و قصدو مكانهم كيف العادة
مع دخلو لقاو ألماس متكية على فخد لعنة ودموع فعينيها لي كدوز على شعرها الأسود و الحريري بحنية
ريماس : ( مع شافتها نقزت لعندها ) ختي حبيبتي مالك
ألماس عنقاتها : خايفة أ ريماس خايفة بزاااف خايفة جهد ينساني منكرش بلي هو لي يقدر ينقدنا و لكن أنا راه كنبغيه اشنو دنبي لا قلبي رطابط بقلبو منهار تزاديت ... و ماما كتقول مكاين حتى حل آخر مدام شاف وجهي خصو يبات ليلة فالقبر منقدرش نشوفو كيتعدب و أنا بعيدة عليه كيف منقدرش نتخلى عليه و نساه .... ريماس هانتي دوي مع ماما عفاك ياك أنا ختك دوي معاها تحن فيا عفاك
ريماس : صافي أختي أكيد غنلقاو حل ... متبكيش أجي رتاحي .... داتها لفوق سريرهم و تكاتها و بقات كدوز على شعرها حتى نعسات و ناضت من حداها مشات عند لعنة
ريماس : ماما ديري شي حاجة
لعنة : ريماس سيري حدى ختك القواعد هي القواعد
شافت فيها ريماس بنضرة توسلية و ناضت و خلاتها ... مقهورة بزاف على ختها عارفاها شحال كتبغي جهد و عارفاها بغا تحميه ولو كان على حسابها مي للأسف مابيديها مادير
مر أسبوع و جهد كل يوووم كيطلب الله ترجع تبان قدامو ألماس مي والو حتى بدى كيفقد الأمال فأنو ممكن يرجع يشوفها مرة خرى
كان گالس فمقهى حتى جرات كرسي و گلست حداه
جهد : ألماس و أخيرااااا
ألماس : شنو فكرتي
جهد : ألماس من إمتى و أنا كنتسنى فيك ... فين غبرتي ..... ألماس شوفي أنا كنبغيك نتي ومستعد من دابا نتزوج بيك
جهد : ألماس من إمتى و أنا كنتسنى فيك ... فين غبرتي ..... ألماس شوفي أنا كنبغيك نتي ومستعد من دابا نتزوج بيك
ألماس : نعام نعام .... ههه واش كتبوهل عليا
جهد : ألماس راني مستعد ندير أي حاجة على قبلك
ألماس : جهد الهضرة متعمر گفاف ماتسقي أرض .... لمهم كيف قلت قبل نتى مخلصي و أنا مخلصتك من هاد اللعنة المشؤومة .... واخة نهرب تانعية و نت سوى بيتي ولا لا أنا القدر ديالك بيا غتنجى و بيا غتغرق .... كنتمنى تستوعب أش قلت ليك
جهد : ألماس حولي تيقي بيا راني كنبغيك تيقي فيا
ألماس : ماشي وقت هاد الهدرة
جهد : ( خبط طبلة بيديه بجهد وغوت خلا گااااع لي فالكافي يبلق عينيه أصلا ملي گلست حداه و كولشي كيشوف فيها ماكاين تما غا تقزاب و بنات دايرين حالتهم كيف تعارج عشورة بقاو حاضيينها بغاو ياكلوها بعينيهم خصوصا وهي لابسة الخمار ومغطية كلشي كاينة لي كتقول مالقات ماتوري وتغطات و كاينة لي كتقارن بينها و بين راسها وتحدر راسها بأسف وكاينة لي غي كتشوف و صاف ) ملي ماشيوقتها .... وقتاااااش آاااااا .... نتي نشوفك نهار تغبري شهااااااار آااااا .... ( نقص صوتو ) وقتاش أ ألماس وقتاش ... وليت خايف ربي ياخد حياتي قبل مانشوفك ... هملت كلشي وليتي نتي همي الأول و الأخير امممم وقتاااش ..... علاش ماباغاش تيقي فيا إلاماكانش هادشي لي كنحس بيه حب اش غايكون
ألماس : ( بصوت حاد ) أول حاجة صوتك متبقاش ترفعو عليا لاجينا لرفيع صوت أنا نصمكك .... تانيا إلا جدى تاقت فجدك و دمرها ... وماما تاقت فعمك وخدلها ... كندير نتيق فيك أنا ... وتالت حاجة جيت على أمر أهم من هاد تخربيق ديالك
جهد : شنو دابا مشاعري ليك تخربيق
جهد : شنو دابا مشاعري ليك تخربيق بالنسبة ليييك
ألماس معصبة : جهد واش غتسمعني ولا نمشي فحالي حسن
جهد بشك : دوي دوي نسمع شمن بلان جايبة تاني
ألماس : ... لمهم حتى الحد الآن غنحاول نلقى شي طريقة خرى من غير أنك تبقى معايا فضلمة القبور حتى لنهار نولد بنت ... ماشي على قبلك مي على قبلي أنا حييييت مابقيتش حملت هاد البلاصة
جهد : يعني غتزوجي بيا مكايهمش فين نعيشو لمهم نتي غتكوني معايا
ألماس : هادشي ليقال معين لماما ومشى وخلاها و أكيد أنا ماغنديرش كيفها و نغرق راسي ونغرق حتى لي غنولد معايا ( جهد واحد الحاجة لي كدور فبالو أنها غتولد وتزوج منو فقط ومعليه غير يتبعها حيت نهار غابت عليه كحالت دنيا فعينيه ألماس من غير أنها حبل نجات ليه راها فيقاتو من كدبة كبيرة وهو إنتماؤو لعائلة هو ماشي منها أكيد مغينساش فضل راجل لي رباه مي الحقيقة ماكانش غيعرفها لولا ضهور ألماس فحياتو )
ألماس : هييييهووووو معاك داوية
جهد ساهي كيشوف فيها
ألماس : أسبخان الله تامالك
جهد : ( باقي ساهي فيها )
ألماس : ( طرتقات صباعها قدام وجهو ) جهد جهد
جهد : ( عاد فاق من سهوتو ) احم نعام
ألماس : بففف لمهم نتلاقاو من بعد غنحاول ندوي مع جدة ملاك
جهد : ألماس غترجعي ياك متعطليش عليا
ألماس : ( حاولات تنكر صدق لي باين فعيون جهد حتى عيات مي فالأخير إنحنت لمشاعرها و قبلات حبو بينها وبين نفسها ونطقات ببرود عكس المشاعر لي منوضا القيامة داخلها خصوصا ملي شد ليها فيديها رغم حاجز الليگات إلا أنها مخفاوش تأتير يديه الدافيين على يديها لي كانو باردين بقوة خوفها من المستقبل ومن غدر الشخص لي قدامها ولي تربطات بيه حياتها بدون حتى مايتخاد إدنها ) غنرجع ماعندي حتى حل آخر
جهد : كنتسناك
مشات وخلاتو غيطير بالفرحة من لقاءهم حيت تؤكد من واحد الحاجة وهي أن ألماس قد مابعدت و هربت كيبقى هو خلاصها ولابد ما ترجع ليه للحضة حمد الله على وجود شهرزاد فحيات جدودو و لعنتها لي خلات ألماس مكتوبة فقط ليه هو
فمكان آخر وبضبط تحت ضلمة القبور فبيت كيتوسطو سرير أبيض كانت ألماس و الجدة ملاك كيدويو
ألماس :جدة عفاك شي حل رااه مايقدرش يصبر هنا أكيد كاين شي حل خر عاااافااااك عاونيني راه غنتعدب معاه .....
ملاك : أبنتي راه معندي حتى حل
ألماس : جدة حشومة عليك أكيد كاين شي حل
( قاطعاتهم لعنة)
لعنة : أشمن حل هااااااا ( كتغوت ) لا بغاك غيصبر على قبلك أما لامابغاكش وخا تفرشيلو الأرض دهب أخرتو يمشي ويخليك كيف دار باااك
ألماس : هداك جهد ماشي معييييييين هو بغاني أنا .... عفاك أماما واش يهون عليك تشوفي بنتك كتموت قدامك
لعنة : القواعد كتبقى هي هي و مكتغيرش على هوانا أش بيتي جداك شهرزاد تقول بلب حنا ماشي قد المسؤولية لي خلات لينا هااااا ... شنو بيتيها تقول بلي حنا غفرنا لأعداءها بكل سهولة هااااا .... آااااش غتقووول بلي دغيا نسينا عدابها و اش داز عليها .... ملي تولدتو وكل ليلة كنعاود ليكم اش وقع باش عمركم تبغيو شي گنس منهم حنا تخلقنا باش نخليوهم كلاب من ورانا و يبوسو الأرض لي كانمشيو عليها تفاهمنا ( ألماس دموعها هبطو خرجات من الباب ولقات ختها حداه عنقتها وبدات تبكي عليها داتها ريماس و تكاتها فبيت آخر ورجعات لمها
ريماس : اش هادشي قلتي ليها امم ياااك لي غلطو كلهم ماتو شنو دنبها هي وياه أاااااا .... الأهم شنو دنبنا حنا واش هادشي لي بات شهرزاد هاااا هادشي لي بات تشوف حفيداتها معدبين و أجيال معدهم حتى شي دنب يموتو وهوما حيين ولي مامات يحماق تلقايه يضرب بالحجر فدرب سلطان واش هادشي لي بغات تعدبنا وتعدب معانا اممم هااااادشي لي بغات أماما .... إلا كانت هاكة غتكون مرتاحة فهحنا نموتو گااااع ونتهناو
ملاك : ألا أبنتي شهرزاد ملي خدات القلادة هي لي قررات تحول العهد للعنة باش تاخد حقها
ريماس : يااااك خداتو وگاع لي ضلموها لي مامشى فيهم لقبر مشى لبرشيد
لعنة : ريماس سكتي صافي مابيت نسمع والو
خرجات ومشات عند ألماس گلسات حدى راسها كدوز ليها على شعرها بحنان
لعنة : ألماس متقلقيش أبنتي حنى تكتب علينا نعيشو هاكا وخصنى نقبلو بحياتنا كيف مابغات تكون تكون حيت هادا كيبقى قدرنا
ألماس : ( هزات راسها وبدات كتغوت ) قدر أشنو أ ماما لي مخلينا عمرنا نشوفو نور آاااا قدر آاااش أ ماما لي مخلينا نعيشو تحت ضلمة القبور
لعنة : ( تأففات ودوات بلهجة حادة ) شنو لي ناقصك أ ألماس آااااش ؟؟؟ كاااينة شي حاجة طلبتيها نت وختك ريماس وماخديتوهاش ..... شنووو نااااقصك .... گااااع لي كتملكووووه معن حتى واحد فوق الأرض ولو شوية منو ومكاتلبسو غيير لحرير لفوق و المجوهرات بلا ماندويو عليهم گااااع لي حليتو عليها فمكم خديتوها .... كون عرفت هاد جهد غيأتر عليك لهاد درجة كون سيفت ليه ريماس وتهنيت من صداع راس ( وناضت خرجات وخلات ألماس غارقة فدموعها حتى دخلات عندها ملاك )
ملاك : أشنو أ ألماس وااش الحل هو لبكى
ألماس : و أشنو الحل أ جدى
ملاك : هي دغيا سخيتي بينا و بيتي تمشي وتخلينى
ألماس : تت لا أجدى نتوما حياتي و عائلتي و ماغنخرج حتى نخرجكم معايا ... ولكن شنو دنبي لا بغيتو ... وشنو دنبي حتى نعاني حتى أنا من هاد اللعنة وشنو دنب جهد حتى يجي ويدفن حياتو معايا هنا واخة يبغي مستحيل نجيبو لهنا
ملاك : حنى أ بنتي مكنأديو حتى واحد حنى كنأديو لي كيأدينا و بس
جداك شهرزاد قبل ميات سنة عاهداتنا و حافضت على العهد .... والعهد ما حولهاش للعنة عائلة آل خالد ...هي لي حولاتو للعنة و " العهد " غير عونها و حماها
ريماس : ولكن أ جدى راااه كيييف قلتي فات 100 سنة على هادشي واش نبقاو حنى نتعاقبو على شي حاجة مدرناهاش و معندنا حتى يد فيها امممم .... جدى بلييييز ضاروري مايكوووون شي حل عافاك أجدى غيير شوفي عااافااااك عاونيني ..... أنا متأكدة غيكون شي حل مستعدة ندير أي حاجة
ملاك : قولي لجهد يجي غدا المقبارة مع الوحدة وسيري وخليه و أنا غنجي نشوفو .... من بعدها ندويو
ألماس : عفاك أجدى متقصايش عليه حى هو معندو حتى دنب ....
ملاك : دنب الوحيد أنو من سلالة آل خالد وهو بكر عائلتهم
ألماس : من إمتى كان من حقنى نختارو شكون حنى ..... للأسف هو ولدهم ولكن كيبقى ماعندو حتى دنب
ملاك : لمهم حتى الغدى
ألماس : ( عنقاتها ) شكرااااا بزاااااااف كنحبك أنا
ملاك : كثر من جَهْدْ .....
ألماس بقات كتشوف فيها حشمانة
ملاك : أحياني عليك أزغبية يلاه نعسي رتاحي وريحي عويناتك راااه گاع تنفخو يشوفك جهد يهرب عليك
ألماس : هااااااااا أربي
دخلات ريماس و بدات تضحك
ريماس : متخافيش نمشي بلاصتك حتى تبراي
ألماس : غنقتلك
ريماس : وااا هيا ناري واهيا شهرزاد تانية هههههه غاضاحكة
خرجات ملاك وخلاتهم كيهضرو
ألماس : الحب توحشتك
ريماس : كون تشوفي يانا
تعانقو ونعسو فبلاصتهم
ريماس : ألماس دابا حنايا توام يااااك ... والوقت لي كنتي نتي غضبانة و لا كتبكي كنحس بيك وكنبكي معاك
ألماس : أه وحتى أنا
ريماس : هي غنكونو كنبغيو جهد بجو( مزال مكملتها قرصاتها ألماس )
ألماس : لا مابقى غير تقوليلي ... نعسو بتلاتة بلاصة وحدة ... ونتزوجوبيه بجوجات
ريماس : أحححح ( كتحك فالقرصة ) هههه غا ضاحكة أسافلة لخرى نشان مشيتي نعاس يا المنحرفة
ألماس : ههههه بفووو عليك
ريماس : ألماس كان بإمكانك تمنعي جهد باش مايشوفكش لاش خليتيه
ألماس : هههههه أودي .... حيت أنا بغيتو يشوفني باش ميبقى يهز العين فحتى وحدة من غيري حيت واخة يقلب تايعيا ميلقاش شي وحدة بحالي قول ملاك نازل من السما
ريماس : إوا شتي كون مخليتيهش كون تزوجتو بلا هاد الهبال كامل
ألماس : كان ضاروري خصو يشوفني ومندماناش حيت خليتو حيت الأهم هو نتيجة و راااه كيبغيني دابا و هادشي مكفي و وافي
ريماس : ولكن واش كيبغيك و لا كيبغي جمالك ولا كيبغي حبك ليه
ألماس : هههههه تخيلي سولتو نفس السؤال ... وقالي كيبغيني أنا هههه
ريماس : مزيان ألالة لمهم إن شاء الله يكون خيير ونتمنى هادشي يتحل خلاص
ألماس أكيد أ حبيبتي غا رتاحي كلشي غيكون بيخير و غلقاو حل
دخلات عندهم لعنة
لعنة : مزال منعستو
بجوجات : مزال
لعنة : مقرقبين ناب تاني
بجوجات نزلو راسهم حشمانين
لعنة : مالكوم
بجوجات دقة وحدة : ماما سمحي لينا حيت غوتنا عليك
لعنة : أجيو أجيو الحمقات
ناضو تلاحو عليها عنقوها بجهد
بجوجات : أي لوڤيو ماما
لعنة : مي تو بيباتي .... يلاه نعسو ستاراحو
بجوجات : ماما واخة تغني لينا باش نعسو
لعنة : ههه واخا يلاه تقادو فبلايصكم
ريماس : غني لينا هاديك لي كنتي كتغني لينا ملي كنا صغار
ألماس : أه أه
لعنة : واخا ألالة .... يلاه نعسو
لعنة :
" لما شمس تروح .... ويگي بدلها نگوووم "
"يبئى داوؤتي إييه ..... يبئى دا وئتي نوووم "
" نامي يا عصفورة .... و نام يا عصفور "
" يلا بينا يلا .... يلا نطفي النور "
" ونغمض عينينا ونروح ... عالأحلام "
" وبنعيش قصة ... ولي حكاها ينام "
" ونامي يا عصفورة .... ونام يا عصفور "
" ويلا بينا يلا .... يلا نطفييييي نوووور "
" ونامي ياااا عصفورة ..... ونام يااا عصفوووور "
ملي كملات كانت هي وسطهم و هوما بجوجات غطو فنوم عميق باس كل وحدة فجبينها و نعسات بيناتهم
فاقت ألماس ومن بعد مافطرات تاجهات نيشان عند جهد لي كان حدى سيارتو قدام البحر حتى وقفات عليه
ألماس : جهد
جهد : ألماس جيتي
ألماس : سي ... لمهم جدى ملاك لي عاودت ليك عليها بغات تشوفك
جهد : ؟؟؟؟؟!!!!! .... تشوفني .... علاش أنا نقدر نشوفها
ألماس : واااش صاڤا با ولا مالك بنا ليك جنون حنا راه بحالنا بحلك باااااز
جهد : ألماس كوني منطقية نرمالمون علاش نتوما عايشين عادي ... باش تكونو كيفنا راااه عارفك نتي بحالي وبحال گاااع ناس مي هي ممتأكدش
ألماس : جهد مكيهمكش هي شكون الأهم غتحرك دابا نمشيو نوصلك فين تلقاها و الله يعاون ... لا بيتنا نخرجو من هادشي وافق على اي حاجة .... جهد لكنتي كتبغيني ولو شوية وافق رااه جدا هي أملنا الأول و الأخير باش نكونو مع بعضياتنا
جهد : ( شدها من كتافها ) مستعد نوافق على أي حاجة من دابا .... يلاه
ألماس : ( عنقاتو ) كنتمنى
جهد حاوطها بيديه و شنشق ريحتها لي كانت كلها ياسمين
جهد : كلشي غيتحل تيقي فيا
ألماس : كون ماتايقاش فيك كون متلقانيش معاك دابا .... يلاه نمشيو
جهد : يلاااه
ركبو فسيارة و اتجاههم كان هو المقبرة وصلو ونزلو تمو غاديين فطريق بين القبورة حتى وقفاتو ألماس
ألماس : حبيبي باركى غير هنا بقى هنا حتى تجي جدى ملاك تفاهمنى أنا خصني نمشي شحال فساعة دابا
جهد : 23.55
ألماس : هادا هو الوقت خصني نمشي تهلا فراسك و متنساش كنبغيك
جهد : و أنا كنموت عليك عمرك تنساي جهد تخلق فقط لألماس ... و ماغايموت غير حدى ألماس
ألماس : عنقاتو بجهد : كنبغيك ........ خصني نمشي ... بقى كتشوف هنا متلفتش ليا تفاهمنا
جهد : علاش ؟؟؟!!
ألماس : أوووف أ جهد واش مايمكنش ... تخلي لحضة دوز بلا ماتعصبني ... لمهم هو ماتلفتش ليا .... كنتمنى تسمع كلامي وماديرش كيف آخر مرة ملي قلتلك متشوفنيش مي شفتيني وهنتا كتشوف العواقب
جهد : أوووكي ألالة غا تهناي أنا غنبقى هاكا حتى تجي ست الحسن
ألماس : هكاك هههه ... يلاه باي
مشات وخلاتو واقف تما خمسة دقايق دازو عليه كيف خمس سنين بقى شحال و كل ماكايزيد الوقت كيزيد الرعب يغتل قلبو
كان غارق كيفكر فحريرتو حتى تسمع صوت من خلفو
...... : أكيد نت هو جهد
#يتبع
أراءكم و توقعاتكم تهمني
المرجو ترك تعليقا لتشجيعنا