حب في المقابر

 #حب_في_المقابر

بقلم✏:زهرة العمر 

👻 بارت:6 👻

شهرزاد : كوون كنتي حاسباني واش جداك ولا على الأقل عندي عندك شي بلاصة ولو صغيرة كنت ترضي ختك لطريق بلاصت متشجعيها على الانحراف و تخلي على مابادئنا .... من إمتا ولاو بنات شهرزاد يضحيو على قبل ولاد آل خالد 

..... ( شافت فملاك ) توقعتها من كلشي مي ماشي منك

وتمت غادة و كل متبع ليها العين شعرها طاير و عينيها كينفتو الشر و جلايلها طايرين و فهاد اللحضة بضبط لاق لها اللقب لي ملقبينها بيه #الملاك_الأسود فالعالم الآخر عالم خافي على الإنسان عالم الأموات 

ولي هوما #الأرواح لي بقاو محصورين او محجوزين فدنيا لعدة أسباب البعض لنفس سبب لي بقات بسبابو شهرزاد فعالمنا و لي هو إرتباطها باللعنة القبور هي وكل لي ماتو بسباب لعنة منهم معين راجل لعنة و راجل شهرزاد وو.. شيء لي كيخلي كل يوم يوقعو مشاحنات بين كل من شهرزاد و رجلها ولي كتسالي بفوز شهرزاد الحاملة للقلادة . كيف كيتقال القوي يأكل ضعيف نفس شي كيوقع فهاد العالم المسمى بعالم الأرواح المحتجزة... ولبعض بسبب موتهم الموفاجئ لي جا على غفلة بدون مايودعو أقرباءهم شيء لي خلاهم غير متقبلين مغادرتهم للعالمنا إلا أن يودعو أقرباءهم أولا يديوهم معاهم 

كقصة رجل كان قريب لبنتو بزاف لدرجة بمجرد تقاس شعرة منها كيحرق الأخضر و اليابس لدرجة كيضرب مرتو لي كيموت عليها على قبل بنتو بنسبة ليه هي حياتو ودائما ليها المرتبة الأولى ... مي واحد النهار كان خارج من الخدمة غادي سايگ سيارتو و كيدوي معاها فتيليفون ومانتابهش لطريق وخرج فيه كميو لي أدى بيه للموت ديالو ....شيء لي خلاه يرفض يغادر الحياة و من درجة حبو ليها كيحاول ياخدها معاه كيتواصل معاها عن طريق هاتفها لي ليس إلا لعبة مي بنسبة ليه راه وسيلة كتخليه قريب من بنتو و كيحاول ما أمكن يخليها تنتاحر باش تلحق عليه لعالمو ويغادرو بجوج في سلام .... و راجل خر مات على يد عشيق مرتو لي حصلهم كيخونوه فبيت نعاسو ودخل فشيباك مع العشيق بسيكين شيء لي نتج بموتو و خلاه يرفض يغادر الدنيا حتى ينتاقم ..... هادو فقط لمحة من بزاف .... شي لي معارفينوش أغلبية ناس أن الأرواح لي كيبقاو محجوزين معالمنا كيتآداو كتر ما كيآديو هوما فقط كياخدو حقهم مي لي كيوقع أن السحرة و المشعودين المختصين فأخطر أنواع السحر و لي عى رأسهم السحر الأسود كيحتاجزو أرواحهم و كيسخروهم لأعمال شيطانية كسحر الناس و تعديبهم بأسوء طرق أولا تفريق الأسر أولا البحت على الكنوز أولا كيستخدموهم لي مايسما بالخلود .... بعض السحرة مهووسين بالبقاء و الخلود و كياخظو الأرواح و يديروهم وسيلة باش يصطادو أرواح جديدة و أيضا كياخدو قواهم 

مي أغلبية الأرواح مكيكون عندهم مايديرو إلا أنهم ينفدو الأوامر

تمات غادة و شعرها طاير وجلايلها كتر حنا قاطعها صوت انتوي باكي 

...... : الملاك الأسود فين راكي غادة 

جمدت فمكانها و من بعد ماتداركات اش سمعت تلفتت وراها باش تلقى ألماس واقفة وراها ولا يفصلها عنها إلا ميليمترات و بجنبها جهد شادالو فيديو 

شافت فألماس من الفوق لتحت من بعد نقلت بصرها ليديهم المشادين باصرار و أخيرا شافت فجهد نيشان فعينيه لي قرات فيهم صدق و مشاعر عمرها شافتها حتى فراجلها لي كان مهووس بيها لي لدرجة هوسو بيها أداها كتر ما آدى أعداؤو .... خوات راسها من هادشي وشافت نيشان فعيون ألماس لي شافت فيهم حزن عمييق و ترجي 

شهرزاد : كنضن بلي نت أكتر وحدة يليق ليك هاد اللقب يا ملاكي الأسود 

ألماس : و أخيرا تلاقينا ... واخة لوقت ماشي مناسب مي على الأقل شفتك 

شهرزاد : ( كتشوف كفاش كدوي بتقة عالية رغم ان عينيها فاضحينها مي حالفا متهبطش كواريها شافت فجهد وقالت فنفسها " معامن وحلتي راسك ا جهد معامن " ) و أنا كنت دينا شايفاك وديما حداك .... مكدبوش ملي قالو راكي نسخة المصغرة عن شهرزاد الملاك الأسود 

ألماس : الثعبان ما بخلف إلا يلي الأطول مش هيك يا سيتي 

شهرزاد : تماما 

ألماس :  كنتمنى تعيدي نضر وتعطيني القلادة باش نكملو هادشي خلاص حييت عييت وعارفاك حتى نتي عييتي وخلاصنا بهاد الخطوة لي درت ومتأكدة غتحررنا كاملين 

شهرزاد : واش عارفة اش كيتسناك لا مشيتي حتى كملتي هادشي 

ألماس : مكايهمنيش ... أهم حاجة يكون جهد معايا تلفتات شافت فجهد ( فين هو جهد شكون هو وشكون هوما  اش كيدير وفين غادي ياك شهرزاد ميتة إوا شكون هادي لي قدامو اويلي اش واقع كون مدخل لطواليت قبل ما يجي كون راه دارها فسروالو دااابا ) 

شافت فجهد و رجعات شافت فشهرزاد 

شهرزاد : ألماس لعنة عندها جزج شروط شرط الأول أنا جهد يعيش معاك تحت ضلمة القبور ... ونتوما تخلصتو منو ملي جهد بات فالقبر وخرج فالوقت المناسب ... مي شرط التاني هو لي خطير ممكن لا نتي لا جهد تحملوه 

ألماس : إلا كنا جنب بعضنا كلشي يهون 

شهرزاد : متيقنة

ألماس : كل اليقين 

شهرزاد : يلاه زيدي قدامي رغم .. اني غنخليكم تكملو هاد اللعب ديال والو .. مي راني مستحيل نقبل بجهد دابا كيبقى و لدهم ودمو من دمهم و عمر الدم يرجع ما وكيف دمهم مسخ حتى هو هاز وسخهم 

ألماس : بصااااح ... يعني غندزوجو ليوووم 

شهرزاد هزات راسها بمعنى أه : مي لي نوصيك بييه صبر تم صبر لعنة ماشي كيف حاسبتها نتيا لعنة قوى مني ومنك هي مرطابطة بهاد القلادة و مادام نت ربطتي راسك بهاد القلادة  ماعليك غتصبري على لي جاي  .. حيت غتعاني أسوء إحساس وهو إحساس الفقدان و ماشي أي فقدان ... فقط صبر 

ألماس مكانش عندها الوقت فين تحلل و افسر كلام شهرزاد كانت مرفوعة و كل فكرها مع أنها غتزوج و كلشي غيحضر عرسها مها ختها و ملك وحتى من جداها لي تلاحت عليها بتعنيقة وخا يوقع لي يوقع كتبقى شهرزاد جوهرهم المفقود لي ضاعت سعادتهم مع موتها و فقدانها ..... ولا حتى جهد مستوعبش اش قالت لحد لآن هو شبه فاقد للوعي 

بعدات ألماس على شهرزاد لي حنحنت 

مدات شهرزاد يديها وركبات القلادة ل ألماس وشارت ليهم يتقدمو جهت ملاك و لعنة لي بمجرد وقفت شهرزاد جنبها عنقاتها بحفاوة .... أما ريماس شداتها مابقات بغات تلقها 

كملات ملاك الشعائر و زوجاتهم و رجعات ختافات شهرزاد وسط ضباب وجهد رجع لدارهم من بعد ماتافق هو وألماس يتلاقاو بعد تلات أيام فالقاعة من غير مايجيب معاه حتى واحد  و رجعات ألماس وريماس ولعنة وملاك لمكانهم 

مرو الأيام بسرعة ووصل اليوم الموعود لي غتولي ألماس ديال جهد و جهد ديال ألماس 

يوم زواجهم ولقاء جهد لعروستو وهي لابسة لكسوة البيضة 

فاقت ألماس و  جمعت حوايجها و قادات صوالحها 

بمساعدة كل من ريماس و ملاك و لعنة لي رغم تقبلها للأمر باقا منخلة ألماس 

وصل الوقت الموعود ولي هو مغادرة ألماس للضلمة القبور لي غتزاد ضلمة على ضلمتها بتحرر شمعة من شموعها 

من بعد ماكملو و وصل وقت مغادرة ألماس تعانقات مع ختها و ملاك و حتى مها لي ممكن عمرها ترجع تشوفهم وو خادت رحلتها اتجاه محبوبها لي بزز باش تقبل لي شاف ووقع قدام عينو مي تقبلو فآخر المطاف و كمل طريق لي رسمها ليه هو و ألماس فهاد تلت أيام قنع مو بأنو تزوج هو و ألماس و غيمشيو لشهر العسل ... و خدم ليل نهار باش يعوض الصفاقات لي جايينو فطريق باش ميديرونجاش معاهم ويخصص هاد شهر فقط ليه و الألماس و كأنا ربي مخلقش غيرهم ........ وها هو هاد اليوم وصل  و حتى هو عاد كيوجد راسو باش يمشي للقاعة فين غيلقى محبوبتو واجدة 

وكيف آمرت ألماس قبل ساعة من موعد العرس المكان كان كيصفر دخلات وتاجهات لغرفة غيرات فيها تيابها و تأنقات و أصبحت جاهزة لي مولاقات محبوبها لي عاد وصل و داخل بخطى متراجعة و علامة إستفهام ضاهرة على وجهو 

بقا معجب فالقاعة الخاوية من حس البشر و المالية بشموع البيضاء ووردة الياسمين لي عاطية ريحتو فكل أرجاء المكان و الخوامي بيضين فكل مكان مع إضاءة خافتة مشعة من التريات المعلقين 

و هو فسبات تأملو قاطعو صوت كعب عالي كيدق بتوازن و احترافية و كأن لي جاية عارضة أزياء لكنها أكتر كانت ألماس بتوبها الأبيض و كأنها أميرة من القصص الخيالية أو حورية البحر أو ملاك من السماء لي جاية و ابتسامة مشرقة على وجها 

حتى وصلات حداه ووقفت فاص معاه و هو باقي مبهوض فجمالها ...  مر بعض الوقت و غير نضراتهم لي مسيطرة على المكان حتى تكلم جهد 

جهد : كيف كل مرة كتخليني عاجز قدامك لدرجة عقلي كيوقف ملي عيني كتجي فعينيك يا أجمل خلق الله 

ألماس كتافات فقط بابتسامة خجولة ترسمت على موحاياها 

خدا جهد وجها بين كفوفو و قبل جبيها و قال بلهجة شبه خليجية 

جهد : يسلملي ألب الخجلان

جهد : مقلتيليش أ عروستي ومرتي العزيزة 

ألماس : اشنو 

جهد : فين ناس مابالي حد

ألماس : علاش ترضى أحبيبي بمرتك حبيبتك يشوفها غيرك أولا عيونك تشوف فغيري أكيد نو ... 

جهد : فهادي غلبتيني تاني 

ألماس : ( بدلع ) غير فهادي وصافي 

جهد : شاف فيها بحب و هويام : دينا غالباني غرتاحي هه

طلقات موسيقة دافئة و رومانسية خلات جهد يمد يدو بجولتومانية لألماس باش يرقسو 

ألماس : مكنعرفش نرقس 

جهد : ( بسوط حرش وفنفس الوقت حنين ) مكنطلبش منك نراقس جسمك بل بغيت نراقس قلبك ... فقط غمضي عينيك وخلي كلشي لقلبك 

ألماس :  شافت فيه بحب و دارت كيف قاليها 

وبدات أجسامهم كتمايل على أوتار المسيقة و كأنها جسد واحد 

جربو إحساس غريب مع بعضهم إحساس بدفئ و الإنتماء ... و كأن كل واحد فيهم رجع لموطنو الأصلي .... ومسقط رأسه 

صمت قوي يسود المكان كاسرو فقط صوت الموسيقى العدب 

مر الوقت و هوما فأحضان بعض ..... ألماس مدورة يديها على عنق جهد وجهد مدور يديه على خصرها 

وباقين كيتمايلو و عيونهم فعيون بعض و كأن كل واحد فيهم كيقرى لكلام لي باغي يقولو الطرف الآخر 

بقاو عدة لحضات على حالهم لموسيقا سكتات وهوما باقين كيتمايلو لدرجة ألماس رتابكات

من شوفات جهد ليها حنحنات وبعدات يديها على عنقو 

مي هو بقى متبعها بعينيه و يديه باقين محوطين خصرها 

ألماس : ( نطقات بخجل ) جهد 

جهد : يا روح و عيون جهد 

ألماس : راه الحلوة دابت وشمع طفا و أنا عييت 

جهد : نت شتي غا الحلوة لي دابت ماشتيش قلبي أنا 

ألماس : هاااااا 

جهد : هههههه ناري كتكلخي غالوقت لي بغيتي 

ألماس : ( حمارو حنيكاتها وحنات راسها بخجل ) 

جهد : يسلملي الخجلان أنا 

ألماس : بدلع : جااااااهد وصافي 

بدى جهد كيقرب وجهو من وجها ببطء و مع كل ميليمتر كيقربو قلبها كيزيد يدق لدرجة من الممكن صوتو عم المكان ..... استمر جهد بقربو ليها لدرجة مبقا كيفصل بينهم والو وككل فتاة بمجرد مقرب جهد وجهو من وجها غمضات عينيهي كرد فعل على تصرف لي صدر من جهد 

لكن هاد اللحضة تاريخية مامر عليها إلا بعض تواني باش يقاطع لحضتهم الرمنسية ضهر صوت رعد قوي غير طبيعي مع البرق و أمطار غزيرة كأنها كدا على غضب مدمر فطريقو ليهم .... باش ضهر آخر ماكانو كيتوقعها ضهر .... شهرزاد مي ماشي كيف شافوها من قبل نو 

شهرزاد لي كان وجها كولو مشوه و عينيها عبارة عن غشاء أحمر لون و تكلمات بصوت كالفحيح 

شهرزاد : قلت ليكم لعنة قوى ملي ضنيتوه .... وقبل متوصلكم كتحرقنا حنا ونوبتكم بابا جاية .... كلما كتقربو نتوما حتى كنتحرقو 

ألماس : جدى مااالك هاكا 

شهرزاد : نت سباب لي حنا فيه وهادشي كلو بسبابك شوفي غير أنا وكيف وليت عساك هوما ممكن لعنة حرقاتهم حتى هوما وهادشي كل بسبابك نت 

ألماس : كفاااش ......

شهرزاد : وباقي عند الفم لي يقول كفاش ..... نت سباب هاد المشاكل كاملة 

ألماس : قبل ماتلوميني أنا تحاسبي مع راسك وتقبلي غلطك نت لي رميتي راسك ورميتينا معاك لنار 

شهرزاد : هزات يديها حتى لسما باش ضرب ألماس لي غمضات عينيها..... بقات شحال مغمضة عينيها كتسنى الصفعة حتى بدات كتفتح عينيها ببطء باش تصعق من هول المنضر لي شافت عينيها 

جهد شد يد شهرزاد بقبضة قوية قبل ماتوصل لوجه ألماس و كيشوف فشهرزاد بنضرة جامدة فالوقت لي كتبادلو هي بنضرة غاضبة و شرسة 

جهد : ( بصرامة ) أني سكت فلول و خليتكم تصرفو على هواكم هادشي مكيعنيش أني خايف منكم .... واخة تكونو لي كنتو كتبقاو خلق من خلق الله لي خلقنا كاملين .... أنا بصمتي و موافقتي على كل لي طلبتوه فقط ألماس ..... لي وافقت ندير أي حاجة باش نحصل عليها وهاني حصلت عليها برغم عليك وعلى لعنتك المشؤومة .... ألماس دابا ديالي و مراتي على سنة الله و رسوله ولي معجبو حال الباب وسع من كتافو والمخير فخيلو يركبو تفاهمنا 

سحبات شهرزاد يديها بعنف من بين قبضتو 

شهرزاد : غتندم ( نطقاتها بغضب وهي موجهة صبعها السبابة لوجهو ) 

جهد : أولا نزلي صبعك 

تانيا حميتي تاراسك بقا غتندميني 

وتالتا أشنو هاد شرط باش نتهناو من هاد اللخرى 

شهرزاد : بقالك غاضربني ودير مادار سباب بلاك 

جهد : ممكن توفري لوقت عليا وعليك وقولي شنو هو شرط باش تحيد هاد اللعنة ديال الزبل 

ألماس كتشوف مرة فيه مرة فجداها مافهمت لعبة سيد تسيف 

شهرزاد : شرط أنك تزوج ألماس تقريبا ست أشهر و طلقها بيدون متقرب ليها و فأي وقت حاولتي تقرب منها غاتلقاني قدامك ... و غيتزوجها واحد خر من عائلتك لنفس المدة ويطلقها وتعاود تزوجها وتولدو بنت  عاد غتزول لعنة أه وطول هاد المدة ممنوع منعا كليا دير الخمار 

وكل واحد فينا غينعم بسعادة والهناء 

جهد : كتفلاي

شهرزاد : اش بان ليك .... قلت ليك مغتقدش على شرط ولا على اللعنة 

ألماس : ميمكنش 

جهد : بالي تخورتي فمخك .... من نيتك لا نت بزاف ههه .... على هاد الهضرة لي قلتي خاصني نرجمك 

شهرزاد :  لقرار ليك 

جهد : واش عمرك شتي شي واحد كيزوج مراتو بنتيلي تخورتي فعقلك لا 

شهرزاد : لي عندي قلتو و لمحكمتكم الموقرة واسع النضر 

جهد : أجي لهنا حتى نتفاهمو ... ولا كيف العادة كتشعليها وتهربي 

شهرزاد : مكنهربش .... أمتااااالك لي ديما كيهربو 

ألماس : ( وأخيرا قدرات طنطق ) و إلا هاد الراجل مابغاش يطلقني ... وحاول يقرب مني 

شهرزاد : منك ليه ..... أنا لي كيهمني هو هاد السيد  ميحطش يدو عليك حيت فكل بلاصة تحطات يديه أنا كنتحرق وملاك كتر 

ألماس : لا ميمكنش ... وأنا لا حط عليا شي واحد من باني آدم يديه من غير جهد غنقتل راسي أ جدى رحميني حرااام عليك راااني عيييت عييييييت وبزاااااااف رحمييييني عاااافااااااك  ...... واش لا ضحكت نهار تبكي شهر .... حرااااام عليييييك 

كانت غطيح  لارض مي شدها جهد  ونهارت بلبكا وهي متكيا على صدرو ..... رحميني أشهرازاد الله يخلييييك رحمينيييييييييي عفاااااااااك 

شهرزاد : أوووووووف حيد حيد عليها بععععععععد راه كتحرقنييي بعععععععد ..... جاااااهد 

جهد بقا غير كيشوووف فيها مافم لعبا بحالو بحال ألماس حتى جرات ألمس من بين يديييه 

شهرزاد : هووووووووف قلت لك متبقاش تقرب منها راه كنتحرقوووو أبنادم كنتحرقووو مع كل لمسة و همس منك 

جهد : ميمكنش لي كطلبيه مستحيل يوقع وسالينا ..... أنا كتهني ألماس وهي معايا بدا كل يدبر لمخووو .. ... مستحيل نطلقهاااااااااا ولا نخليهااااااااااا لوااااااحد آخرررررررر كتفهمييييي مستحيييييييل 

شهرزاد : بهاد قصيحيت رااااس غتكوووون سبب هلاك مجموعة من الناس منهم عئلة ألماس ومك ونت وغتحرق كل واحد كينتامي ليكم بنااار اللعنة 

جهد : وأش جاب مي لهضراااا !!!؟؟؟؟

ألماس : أكييييد كاين شي حل آخر .... راه حتى من المجرم ملي كيبغيو يعدموه كيخيروه على سلاح إعدامو ..... أكيييييد كين شي حل آخر 

شهرزاد : آاااااااااااه منك يا ملاكي الأسود ممولفاكش بهاد ضعف كامل لهاد الدرجة كتبغيه 

ألماس : لدرجة نقتل راسي قبل نتخلى عليه 

شهرزاد :  لهاااااااد الدرجة يا ملاكي الأسود 

ألماس : لدرجة نخالف گااااع لي قلتي وندير لي قولي هادا ( شيرات لقلبها ) قبل مانفكر بعقلي ( شيرات بصبعها لراسها ) 

جهد : شهرزاد راه هادشي لي كاتقولي غيزيد يكحلها على جد بونا واااش من نيتك .... دابة بهاد الشرط لعنتك يا ماغتستمر و يا ما غتزيد دمر ناااس خرييين .... شوفي شي حاجة خرى رااااه نت باغة تغرقينا 

شهرزاد : شرط هو هادا وكون درتي كيف دارو لي سبقوك وسكنت معاها فضلمة القبور كان غيكووون حسن وخير ليك من هاد المعناعة كاملة .... أنا قلت لكم غتندمو على زواجكم و إنحرافكم على قوانين اللعنة ..... وفي لأخييييير اللعنة ليست إلا لعبة فيها الرابح والخاصر .... وكلشي مسموح فيها ..... يعني يانتوما لي غتربحو وتنهيو لعنة بصبركم و حبكم أولا غتستسلمو وتخليوها هي تربح هادا هو شرط وليكم واسع النضر 

جهد : ميمكنش لي قلتيه يتحقق نت راكي كتخوري وصافي ..... راااه بنت ومتعرفها ماتعرفك .... وتكون مكتبغيهاااش .... ومع ذلك ميمكنش تقدر تحمل بنت بجمالها تبقى دوور عليك ونت تبقى شاد راسك واخة تكون فريگووو أنا لي راجلها ومنقدرش تبقى معايا ومنقربش منها عساك هدا لي غنزوجهالو بيدي صافا بااااا راااه قلت ليك غاكتخوري 

ألماس : كفاااااش يعنييي نت لا كانت معاك شي بنت متقدرش تحمل تبقى بعيد عليها

جهد : مشطبى كحلة دريا كنحاولو نقنعو جداها ناضت لنا حتى هي بففففف لمرض ...... ألماس كالم بب راااااه قلت ليك بلي حتى راجل ميمكنش تكوني نت معاه وميقيسكش راااه سابع المستحيلات 

شهرزاد : هادا قبل مايكون شرط راه إختبار لعلاقتكم ومدى صدق العلاقات لي بينك وبين عائلتك ..... وهنا غيتبين لنا واش نت باغي ألماس ولا جمالها وجسدها و كدلك غيختابر حب ألماس ليك .... وغيرتك عليها ... وأصلا نت لي غتختار ليها عريسها يعني أكيد غتختارو بإحسان و غتفسرلوووو لمهم شرط يتحقق أما الوسيلة راها بيديك 

#يتبع