💀 حب في المقابر 💀
💀بقلم ✒️: زهرة العمر 💀
💀 البارت : 2 💀
💀قصة : كاملة 💀
حتى كايبانو ليه البوليس فطريق .. كان ناوي يحبس مي ألماس غوتات
ألماس : ( بالغوات ) وياك توقف أ جهد وياك زيد السرعة
جهد : ( تلفت عندها مخنزر ) علاش
ألماس : ماسوقكش كمل طريق و بس
ماقى مايدير زاد سرعة شيء لي خلاهم يوليو متابعين
هوما غاديين و سيارة الشرطة وراهم
و ألماااس كضحك بجهد و متمتعة بالمطاردة
أما جهد مشى يخرج ليه العقل أش هادشي لي وحل راسو فيه و شكون هاد الحمقة لي حداه
و أخيرااا تكلمت هاد الهبيلة
ألماس : صافييي ههههههههه وقف وقف
جهد : إيييه و أش نديرو مع هادو لي تابعينى
ألماس : واغير وقف
وقف جهد حتى كتوقف حداه سيارة الشرطة
نزل واحد فيهم جا عندو
الشرطي : اش هاد روينة ولاش هاربين ( كايشوف فيه بتشكيك ) ... عطيني لاكارط ديالك ووراق سيارة
مدهم ليه بدى كيشوف فيهم و تكلم
الشرطي : غنسجل ليك مخالفة ( ضار جهد عند ألماس ضربها ليها بواحد التخنزيرة الله الله )
دار شرطي و جا جيهت ألماس
الشرطي : ( غمز جهد ) المدام هادي ولا
( جهد ولا وجهو حمر بالأعصاب مي كايحاول يكالمي راسو
الشرطي : ( موجه كلامو ل ألماس ) عطيني لاكارط ناسيوناال ديالك
شافت ألماس جيهت و رفعت الخمار على يديها و جبدت نفس الجمجمة لي بحالها لقى جهد
شافت فيه ونطقت بعض كلمات حتى ضهر ضوء أحمر كالبرق خلى الشرطي يرجع اللور و هو كيترعد مشى عند جهد عطاه وراقو
الشرطي : سمح ليا أسيدي ... يمكن ليك تفضل
جهد بصدمة : كفاش و مخالفة و.... ( قاطعو الشرطي )
الشرطي : ماكاين لا مخالفة لا والو غير تفضلو عطاه وراقو ومشا ركب فسيارة الشرطة وعاد أدراجو و هو كيترعد
من بعد مامشى تلفت جهد عند ألماس
جهد : اش هادشي وقع دابا
ألماس بحماس : والو بيغيت نعيش شوية المتعة وااااو ههههه إحساس زوين
جهد : من نيتك ولاش البوليسي تخلع وهرب اش درتي ليه
ألماس : مايهمكش أ حبيبي ... ههه سر المهنة
استغفر الله وكمل طريقو ماعارفش اش تابعو مع هاد الموصيبة لي بلاه بيها الله ... ولاش هو أثلا تابعها مافهمش دون وعي منو أو تفكير كيلقى راسو كيدير گاع لي بغات .... لهاد الدرجة ستولات عليه .... و أشنو التعويدة لي لقات عليه حتى ولا تفكيرو معاها و اهم شي إرضاءها
هادشي كامل كيضور فدماغا حتى كتقاطعو
ألماس : صافي غير هنا
تلفت جهد ووقف كيشوف فالمكان كانت طريق بجانبو غير الشجر والغابة
جهد : هنا
ألماس : أه واش غتنزل .... ولا غتسناني حتى نجي
جهد : اش غديري هنا
ألماس ماتسوقاتش ليه و دخلت من واحد الطريق كتشق طريقها داخل الغابة
جهد بقى فصيراع نفسي حد الجنون .... اش يدير بتبعهى ولا يتسناها .... بقى گالس شحاال كيتسناها .... وسوط الكلاب غادي وكيقرب مع بعض الأسواط الأخرى بدا رعب يكسي قلبه شيء لي خلاه يبغي يضيماري مي للأسف طونوبيل ماخداماش هنى رعبو زاد بقى فسيارة و عقلش إمتى غفى وهو كيتسناها بدات شمي كطلع خرج جهد من السيارة و سلك نفس طريق لي سلكاتو ألماس
تم غادي حتى كيلقى راسو قدام قبر منقوش بطريقة زوينة و رائعة خلاتو يتحنا ويمسح الغبرة على مكان الإسم .... وقرى
جهد : هنا دفن السيد ..... ( الإسم ممسوح ) سنة 1854 . ....... اممم اش هادشي ولاش هاد القبر هنا و علاش مولاه مدفون هنا و كيفاش بناوه بهاد الشكل الجميل
كان عبارة على شكل مستطيل و منقوش مع كتابات فشكل مقدرش يفهمها و الكتبة لي بيها كل من تاريخ الوفات كأنها منقوشة عليه بالدهب وهو كان اللون بالأبيض الخالص الى ان الغبار غمقات لونو شوية حط يدو على وسط القبر حتى بدى كيحس و كأن كتابة فوقو مي مابايناش بدى كينفض الغبار من الجديد و هو حاير اش ممكن يكون هنا
حيد الغبار و على الفور بدى كيقرى كلمات دقت الرعب فقلبو
"..... إفتح القبر .... "
"..... لا مكان للحب و الشك ....."
"..... إما أن يفوز الحب على الشك ....."
"..... أو يفوز الشك على الحب ....."
ما إن قرى جهد هاد الكلمات حتى وقف و تم غادي بزربة مي رجع أدراجو بالفضول القبر
نزل تاني عند القبر باش يتأكد ملي قراه مي كيتدهش بالشي اللي لقى تاني بدى يقرى وهو كيزيد يرتعب كتر من اللول
""""" يا زائري أغلق قبرك ... يفتح قبري """"
"""" يا زائري أنا قدرك ... و أنت قدري """"
"""" يا زائري إفتح القبر..... فأنت مخلصي """"
جهد تصدم : اش هادشي و كفاش تغيرات الكتبة و اشنو غيدير أكيد كاينة شي حاجة اش هادشي كيوقع
حس جهد بدنية ضارت بيه معرف مايدير كل همو كان كفاش يحل القبر و يعتق هادا لي كيستنجد بيه
هز حجرة و بدى كيدرب فالقبر مي تفاجء أن داك الجدار لي كان كلو بيض و عليه ديك الكتبة ختفى و ولات غطراب لي قدامو بدى كيحفر بهستيرية و بلا عقل حتى هز ساروت صغير فيديه وقف و وبعد ممتيقش اش وقع و كفاش وقع
مافهم والو تبلوكة ورجع السيارتو طلع وديمارا
لمدة حتى عاد عاق راه سيارة كانت ماخداماش البارح شوية كيفاجؤو صوت من الخلف عاد نتابه
شد الفران بجهد وضار عندها
ألماس : صباح الخير حبيبي
جهد : اش كديري هنا و إمتا جيتي .... و اش هادشي كيوقع .... عفاك أ ألماس رحميني راني غنتصطى .......
جهد : اش كديري هنا و إمتا جيتي .... و اش هادشي كيوقع .... عفاك أ ألماس رحميني راني غنتصطى .......
ألماس : ( ناضت شدات فوجهو ) لا أحبيبي خلي تسطيا لعائلتك ودكورها ..... ماتخافش أنا معاك
جهد : اش داكشي لي شفت و شنو داكشي لي مكتوب وديالمن هاد ساروت ( جبد الجمجمة ) وهادي لاش
ألماس : هادي عاد البدية أ حبيبي باقي شلة مايتقال مي نت غير سمع كلامي و ماتخافش بجوجنا غنتخطاو هادشي دابا نت رتاح أوكي رتااااح
جهد : مافهمت والو اش هادشي كيوقع و شكون نتي أ ألماس شكون واش بغيتي عندي
ألماس : ياك قلت ليك أنا قدرك ... هادشي كافي غير تهنا قريب يتوضح كلشي ....
جهد : عيييت ..... عيييؤت بزاف
ألماس : حيد أنا نسوق بلاصتك ... دوز هنا رتاح
استجب ليها جهد من كترت ماهو عيان و منهار عاش ليلة رعب و أشياء لا تفسير ليها إلا عند ألماس
ساقت ألماس و ماوقفو حتى لقدام باب دارو بدات تفيق فيه ألماس حل عينو لقا راسو قدام الباب
جهد : منين عرفتي دار
ألماس : هههه راها دار راجلي علاش منعرفهاش يلاه نوض نوض دخل ترتاح
ناض دخل من بعد ماعطاتو الكونتاكط وطلع نعس نهار كامل فاق على يدين كيلعبو فشعرو
جهد : الوليدة
الأم : ولدي مالك .... حاسة بيك ماشي تالهيه خوتك ديما كيسولو عليك وليتي تغبر بزاف .... اممم عاود لماماك
جهد : عيان بزااااف أ ماما بزااااف
الأم : مالك أ ولدي امممم مالك
جهد : غير ستريس ديال الخدمة وصافي و صافي ماديريش فبالك .... نوض ندوش ونزلو ناكلو
دازو تلت يام من بعد ديك الحادثة ومن تم عمر ألماس بانت
كان جهد داخل المكتب ديالو حتى كتوقفو سكرتيرا : مسيو جهد .... جات واحد المرة دايرة الخمار كتسناك فالمكتب
جهد دخل بزربة حتى كتبان ليه واقفة و كاتشوف من نافدة المكتب ديالو
جهد : ألماس .... ألماس .... يا ألماس ... شنو جيتي ليا تاني بشي مونتيف جديد ... أولا باغني نوصلك تاني ... سي كهف ولا قبر اممم
دارت عندو كان واقف ومربع يديه شافت فيه
ألماس : حشومة عليك أ جهد .... دابة أنا كنجيب لي المشاكل امممم .... زعما توحشتك وجيت نشوفك ... وببت نديرها لك مفاجئة زعما
جهد : خخخ منهار شتك و أنا كنشوف غا المفاجئات
ألماس : إوا هانة غادة بسلامة
عاد غتخرج وهو يشدها حاصرها مع الحيط
جهد : فنضرك دابا ... أنا غنخليك تمشي بلاما نشوفك .... مستحيل ليوم خصنى نفضيو هاد القضية
ألماس : جهد بعد. .... وخلي الأمور تمشي كيف هي .... خير ليك وليا فهمتي راااه من الأحسن ماتشوفنيش تانهار إكتمال القمر
جهد : أنا غانگولها ليك من دابة إلا مشيتي خرجتي منهنا قبل مانشوفك فغير نسايني عليك فهمتي
ألماس : أآآآه يا مخلصي كون تعرف اش كايتسناك گاع ما تزرب نهايتي ونهايتك
جهد : سمعي أ شاعرة القبور و ملكة الجماجم ماكايهمنيش اش كاتگولي لي كايهمني أني غادي نشوفك و ليوم مزال
ألماس : و إلا مابغيتش
جهد : ديك ساع ماغانترددش ولو لحضة باش نحيد لك الخمار بيدي
ألماس : هدا آخر كلام عندك
ألماس : هدا أخر كلامك هادشي لي بيتي .... فيالاه حيدو بيديك مي تحمل العواقب نتا
ماترددش جهد لحضة باش حيد لها الخمار من الفوق لتحت ...... وكشف عن حوريتو .... أه حوريتو لي كانت أية في الجما و كأن الله ملي خلق الجمال عطى السيدنا يوسف نص وليها ربع و ربع لاخر قسمو على العالمين يا الله شحال زوينة و كما قالت واخية يقلب دنيا كاملة مغايلقاش ما أجمل منها
شعرها أسود و طويل جسد منحوت وبيض بياض الثلج عيونها السماوية و كأنها أحجار كريمة رموشها كتاف و شفتيها بلون الفراولة آية في الجمال بتوبها الحريري الأبيض
ما إن شافها حتى رجع خطوات لور كيشوف فيها بإعجاب ما متيقش اش كيشوف ورجع لكلامها " ماكايناش لي زوينة عليا " طلع كلامها صحيح و تأكد بلي كون كانت كتمشى بلا خمارها كل دارت الفتنة فوق الأرض
ألماس ماعطاتوش وقت فين يهدر لبست خمارها ونطقت جملة وحدة و هي كتشوف فيه بشراسة
ألماس : غادي تندم أ جهد نبهتك ونتى درتي لي فراسك تحمل العواقب دابا
وخرجات بقى ساعات كيشوف فين كانت واقفة و كأنها جنية من الأحلام
داز الوقت وجهد مافارقاتوش صورتها أبدا
ولا عايش كيحسب الأيام ودقايق و كيتسنى رجوعها ..... وهمست صوتها وصورتها ولات هي رفيقتو فغيابها
كان غادي بسيارتو حتى بانت ليه وحدة قدامو لابسة خمار
وقف سيارة ونزل
كانت المرى قدامو وبدى يعيط لها ألماس ألماس مي ما من موجيب للحضة كان غيجرها مي ستاعد الله ورجع أدراجو ركب سيارتو ونطلق لشركتو .............
دازو سعات وسعات تحولو الأيام و الأيام ولاو شهر و ألماس غبرااات معمرها رجعات تشوفو وهو كل ليلة كيزيد يلعن راسو حيت بسبب تسرعو فقدها
لغد ليه كان ناعس حتى كيفيقو خوه فهد
فهد دري عندو 16 عام
فهد : جهد وااااا جهد .... تا نوض شوووف داااك بوعو لي كيسول عليك نوووو
جهد : فرقني أ فهد عنوض نشتف عليك
فهد : نقولها ما كاينش
جهد : نقز : شكووون
فهد : خخخ واحد نينجا ههههه
نقز جهد هود كيجري غا بسروال والفوق عريان نزل لقاها گالسة فصالون
نقز جهد هود كيجري غا بسروال والفوق عريان نزل لقاها گالسة فصالون
مشى ينقز من الفرحة
جهد : ألماس جيتي ... ااا ... اش كديري هنا
ألماس : سير لبس حوايجك عندنا مانقضيو
جهد ماعجباتوش النبرة باش دوات ... مي هوا كان طالب غايشوفها حيت صافي ضن بلي فقدها ) واخة هاني جاي
طلع بدل عليه و خرج
جهد : فهد ..... فهد
فهد : نعاااام
جهد : مكايناش الوليدة
فهد : ( جا عندو ) : لا خرجت صباح مع نرجس
جهد :امممم إلى جات بلى ماتقول لها على ألماس صافي .... قولها خرج و غادي يتعطل
فهد : ههههه... اممم . مانقولش لها جات عندك نينجا هههههه أربي شكون هاديك
جهد : ماشي سوقك دير اش قلت ليك و بس
وهود عندها
ألماس : كون زدتي تعطلتي حسن
جهد مشى عندها جرها عندو وشدها من خصرها و تمو خارجين
جهد : سمحيلي ماقصدتش ( وباسها فخدها من فوق الخمار )
ألماس : ( طلعات حاجب ) وا زعاما خايبة هادي ولات فيك
جهد : بدى كيضحك بجهد : خههههه وايلي
ألماس : زييييد زييييد رااااه تابعانا طريق
مشى ركب فسيارتو وطلعات حداه وديمارا وشد طريق لي قالت ليه دازو ساعات وهوما شادين طريق
حتى من ألماس داها نعاس جهد تعمد ميسولها على والو حيت إولا عارفها ماغاتجاوبش وتانيا ماعندوش ٱستعداد تعاود تبعد عليه ماعرفش كفاش عاش هاد شهر كامل وهو كيحسب السوايع و دقايق باش ترجع ليه
كانت ناعسة حتى حست بشي حد كيفيق فيها
جهد : ألماس ألماس نوضي
ألماس فاقت : نعااام
جهد : راااه داز الوقت وقرب يضلام الحال واش مزال ماوصلنا زعما
ألماس : باقي ... أه جبتي داك ساروت لي كنت لقيتي
جهد : جبدو : ... ها هو علاش
ألماس : خليه عندك ... غنحتاجوه
داز الوقت حتى وصلو لشبه صحراء خالية تعلوها جبال من الكتبان الرملية
جهد : اش جينا نديرو هنا
ألماس : تسنا ودابا تعرف
بقاو شوية بينما طاحت الضلمة مزيان عاد دوات
ألماس : يلاه نتحركو شوية
تمو غاديين حتى وقف قدام واحد القبر
جهد : شنو هادا
ألماس قبر عمتك
جهد : ههههههههههه كفاش قبر عمتي وأنا عمة وحدة لي عندي باقة حية ترزق
ألماس : نو أ حبيبي أنا كندوي على عمتك لي من لحمك ودمك
شوية قاطعهم الغوات ديال شي مرة
ألماس : ها هي سمعتيها .... وصل الوقت باش تعرف حكايتك و أصلك و فصلك
ألماس : ها هي سمعتيها .... وصل الوقت باش تعرف حكايتك و أصلك و فصلك
جهد : كفاش (قاطعو كلام مرا كتصرخ بصوت عالي )
المرا : لا عفااااااك أ بابا مغانقول والو خويا والله مادرت شي حاجة حشومة عليك عفاك أخويا لاااا عتوووووني خرجوني من هنا خرجوووووني
جهد : ألماس عفاك سكتيها عفاك ا ألماس مابيت نسمع والو
ألماس : خصك تسمع أ جهد ماضيعش الوقت لي تعطاك خصك تعرف الحقيقة ..... ( قاطعها صوط المرى )
المرا : خرجوني من هناااااااااااا
ألماس : جهد اش كتسنى خرج عمتك حشومة تخليها كتعدب
جهد ماحسش براسو حتى بدا يحفر فالقبر بيديه و هو مرفوع حس بشي حاجة وحبس بدى يحيد فالرملة بشوية حتى جبد صندوق ترازو قديم وفيه قفل
هزو ودار عند ألماس
جهد : ممكن تفهميني أش هادشي ... ألماس عفاك خليني نرتاح ... وگوليلي شكون نتي و شنو حكايتك مع القبور
ألماس : ( شافت فيه بنضرة جامدة ) فالصندوق اللي جبظتي بداية ديال الحكاية ....و فصندوق تكتب قدري وقدرك ... ولي كيوقع ماشي دنبي ولا هو حتى دنبك .... داكشي علاش بلا ماتسولني كفاش ولا حتى علاش ... قلب على الحقيقة وأكيد غتلقاها
جهد تجنن
جهد : أنا مابيت نعرف والو ..... خليت ليك كلشي
ألماس : إدا سير ... شكون حبسك ... وأصلا هدا هو آخر يوم غتشوفني فيه
جهد : كفاااااش
جهد : كفاش
ألماس : كيف كتسمع
جهد : مايمكنش
ألماس : ؟!!!
جهد : نتي لي دخلتيني فهاد المعماعة و ماغتمشي حتى تخرجيني منها
ألماس : نعاااااام !!!! خخخخ من نيتك .... على كل باااي
تمت غادة جرليها جهد الخمار حتى تطلق شعرها الأسود وراها
وضات طافجة عندو و للمرة الألف جهد كيركع قدام جمالها الملائكي قرب عندها و بدون سابق إندامد يديه وحل ليها العباية وبقات غير بتوبها الحريري لي فلون الأسود بقى مبلوكي قدام جمالها ... وهيا ولات تنفت النار من نيوفها قرب وطبع قبلة جنب عنقها شيئ لي خلا ألماس دفعو حتى مشى وجا وضرباتو بكف يديها حتى ضار
ألماس بصوت يشبه الفحيح : أش غنتوقع من سلالت آل خالد .... كتبقى ولدهم ودمك من دمهم .... وقد ما بعتي وقد ماعربتي عمرك تخلص من لعنتهوم ... غتبقى ملعون لآخر يوم فحياتك .... أنا لي حمارة كنت ناوية نخلصك من دمارك و نخلص راسي من ضلمة القبور مي نتى متستحقش كتبقى .... حامل دم المسخ ديال أجدادك وغتبقى لآخر يزم فحياتك ...
جهد : اش كتخربقي نتي
ألماس : هاها سير عند مك .... سولها عل مصطفى خالد و الأهم سولها شكون شهرزاد
مشات وخلاتو حتى غبرت وسط الضباب
هو بقى غارق فتفكيرو
جهد : كفاش لا ماااااايمكاااااانش .... مستحيل
حط صندوق حداه وشد طريق الدارو
وصل دخل و هو هاز صندوق مع المفتاح طلع لبيتوو وأول مادخل حل صندوق ختى كيلقى عقد زواج بسميت شهرزاد و أحمد خالد
وصورة فيها شي تلاتة الرجالة وهو
جهد : كفاش اشكندير هنا وشكون هادو و إمتا طرى هادشي قلب تاريخ لقاه ديال عصر أجدادو مافهم والو وجملة وحدة كضور ليه فراسو " سول مك شكون مصطفى خالد و الأهم شكون شهرزاد "
گلس وهو كيدعي فخاطرو يكون لي كيفكر فيه خطأ أولا مجرد كابوس .... أشنو زعما ممكن يكون إبن غير شرعي نو هادي ماكادخلش لعقل گلس فبلاصتو حيت كان قرب يصبح الحال بقى گالس شحال حتى سمع صوت مو ونزل
جهد : ( كيحاول يتصرف عادي ) صباح الخير
الأم : صباح الخير ولدي حبيبي
جهد عيا صابر مي فالأخير نفجر وسولها
جهد : الواليدة شكون مصطفى خالد
كانت شادة الكاس تلما في يديها تلقاتو طاح تهرس
الأم : آآآ ... أ أ بيتي تفطر
جهد : ( بعيون حومر ) قولي لي شكون هو وشنو علاقتك بيه والأهم شكون شهرزاد
الأم : هاااااااا ... ماكنعرف حد بهاد الأسماء
جهد جبد صورة وحطها ليها فوق الطابلة هزاتها وشافت فيه بعيون دامعة
الأم : جاااااات يااااااك جااااااات غتاخدك ليا .....
جهد : گولي ليا أش كاين راني غنحماق
الأم : گلس ونعاود ليك
جهد : ها هو گالس
الأم : شحال هاد كنت عايشة مع بابا هو تاجر أتواب وكان ديك ساع كيجيوه التجار من عدة بلدان مختلفة ... وباك نفس الشي كان تاجر وكان كيتعامل مع بابا حتى لواحد النهار جا ووصل مع ليل وعرض عليه بابا يتعشى قمت بالواجب وهو شافني عجبتو وطلب يدي وبابا قبل وزوجني ليه مع العلم كان قال لينا بلي ماعندوش وليديه لمهم تزوجنا ومشيت عشت معاه كنا عايشين بيخير وعلى خير وكان مهلي فيا و خلاص ملي عرف راني حاملة وهو غيطير بالفرحة وكان ديما كيطلب يولد بنت وأنا كنت كنجبد بلي بيت دري كيتعصب ماكنتش كنفهم علاش ... لمهم دازو شي شهورة على الحمل ديالي وقالي بيت نصارحك بشي حاجة ... قلت ليه نعام قالي
فلاش باك
مصطفى : مريم كنت بيت نقولك شحال من مرة مي مزعمتش .... أنا عندي عائلتي مي بعدت عليهم شحال هادي لأسباب خاصة مي دابة قلبو عليا و بغاو شوفوك و بغاو حفيدتهم تولد حداهم
مريم : كفاااااااش ياااك قلتي لي بلي نت ماعندك حد
مصطفى : بلا ماتعصبي راسك غنمشيو نشوفوهم ونرجعو حيت بابا مريض
مريم تقبلات الأمر وجمعات حوايجها وقصدو دارو مشاو ورحبو بيهم ومريم فرحات بيهم مي ديما كتحس بلي كاينة شي حاجة مي مخبيينها عليها و ملي كانت كتسول مصطفى كيتهرب و فآواخر حملها مصطفى تغير 360° هي مافهمت والو ولا مهموم وكل يوم غابر فيهم شي حد
حتى لواحد النهار سولت خت مصطفى على شنو طاري
عودة إلا الحاضر
الأم : كنت ديما كنحس بالغموض محيط بيهم وديما كان اب مصطفى ففمو سيرة وحدة شهرزاد غترجع و غاتاخد روحي تما فضولي قتلني سولت عمتك مي عاد كانت غتعاود ليا عيط عليها عمك ومشات وكانت هاديك آخر ليلة شتها فيها و معرفتش فين مشات ولا شنو وقع ليها ... أما بالنسبة لشهرزاد فراهة لعنة وكتبع كل بكر فعائلة آل خالد و باك نجى منها حيت كان هو صغير مي أنا خوفي عليك خلاني نهرب بيك ملي ولدتك وكنتي نت بكر عائلتهم وخصوصا أنا عمك عماد من بعد شي أيام ختفى وكلشي كيقول بلي شهرزاد سبب كانو عندي عدة تساؤولات مي قلالين الأجوب فكل ماكتجبد شهرزاد كيبداو العيالات يسميو الله ويقولو أعود بالله من الشيطان الرجيم .... شهرزاد كانت هي كبوس عائلة آل خالد و كدلك حتى من عائلة آل شاهين ما نجاتش منها الكل كان مستغرب علاش لعنتها كتعمد تخفي كل دكر بكر من هاد العائلتين و هاد اللعنة ستمرت تقريبا التلاتة الأجيال جيل جدودك و جيل باك و جيلك دابا تاواحد ماعرف شنو حلها و فكل ليلة فإكتمال القمر كيخرجو رجال العائلات بجوج يقلبو على شهرزاد باش يقتلوها .... أما بخصوص أسطورتها فكان لي كيقول كانت أنثى فمنتها الجمال مي تضلمات وكترجع تاخد حقها و فكل ليلة إكتمال القمر كانو العيالات كيتجمعو ويطيبو و يكحلو ويديرو الحنة ويتسناوها تزورهم ويطلبو عطفها باش تقيل رجالاتهم
#يتب_________ع
المرجو ترك تعليقا لتشجيعنا