💀 حب في المقابر 💀
💀بقلم ✒️: زهرة العمر 💀
💀 البارت : 1 💀
💀قصة : كاملة 💀
💀 مقدمة 💀
ألماساتي أنا جيت وبقصة حصرية على ألماسات
عنوانها : حب في المقابر
الكاتبة طبعا أنا : مجنونة القلم زهرة العمر
👻👻👻👻👻👻
لطالما سمعتم عن الاساطير و الخرفات
ولطالما جمعت هاته الاساطير تلك المحرمات الستة :
سواء كانو ....
_مصاصي دماء ومستذئبين
_شياطين و ملائكة
_سحرة و جنيات
وتتولى المحرمات و تتعقاد خيطها للتظهر فقط في المسمى بالاساطير
لكن في خبايا هذا العالم الاسود هناك أسطورة لايعلم بها أحد قليلون هما بل نادرون الملمين بها.....فقط من علو سيطهم زادن شانهم وحكمو و وعاشو عهد عوالم المحرمات
👑《أسطورتي بين خيوط تشابك هاته المحرمات تشملهم كلهم ولا تشابه أي منهم 》👑
اسطورتي تعاكس الوقت والواقع.....وتوافقهما ....
و بما أن الوقت لا ينتظر....والحياة قصيرة مهما اوهماتنا بالاحلام واغرتنا بملذاتها.....لذا لربما كانت معضم الحقائق اللي نتخطاها واقعية بلمسة من خيال......وفي لحظة تختفي كل تلك الأشياء ويحل ذااك الظلام شاسع....موت.......حفرة......قبر ومقبرة......
ماذا ان قلت لكم هناك من يعيش من تحت ذالك الركام.....هناك من يعرف موته حياة.......
أسطورة أم لعنة هي.....بين تراب المقابر......هناك حياة....
فافتح القبر و عش الأسطورة....
افتح القبر لا مكان لشك و الحب معا ... إما أن يقضي الشك على الحب .... أو يقضي الحب على شك ... إفتح القبر وسترى ما يسعدك
👻👻👻👻👻👻
فڤيلة صغيرة كتكون من طابقين الأول عبارة عن تلاتة صالات و كوزينة بالإضافة المائدة زجاجية كيحيطوها عشرة كراسي و أمامها مباشرة
الدروج المئدية لطابق التاني لي كان خاص فقط بغرف نوم
بضبط فغرفة كبيرة و واسعة غالب عليها طابع الرجولي و كيتوسطها سرير دائري من فوق منو ممدد جسم رجولي و رياضي بامتياز غاط فنوم عميق وسط سكون هائل ما كسرو غير رنة المنبه المزعجة الشيء لي خلاي يده الرجولية تمد وتطغيه ليغط في نومه من جديد لدقايق معدودة فقط .... ليوقضه صوة أنثوي حنون كينادي بإسمو .... ومن غيره صوة أمه و تاج راسو
_ جهد ..... جهد ..... نوض أولدي رااااه الوقت مشى
_ ( رد عليها بصوة مدعدع و فيه بحة رجولية زوين ) هنا الوليدة نايض
ومن تما ناض وتاجه الحمامو دخل تحت رشاش مخلي الماء ينزل عليه و هو مشى بالو بعيد كيخمم فموصيبتو و مشكيلتو لي ممكن تسبب ليه فالإفلاس دون شك .... بقى كيخمم حتى كمل دوشو وخرج لاوي على نصو الفوطة و الماء كيقطر على عضلاتو الفلادية توجه نيشان لدريسينگ و خطار كوسطار أسود يليق بالإجتماع لي عندو و أملو أنو يكون هو خلاصو وتم صفقة بنجاح
كمل لباسو من بعد ما صلا صلاتو ونزل لقا الفطور محطوط و مو كتسناه
باس راسها و گلس حداها
جهد :صباح الحب
الأم : صباح الورد ..... فطر راااه مشى الحال
جهد : الإجتماع مع 9 ودابا عاد 7:30 باقي الحال
الأم : يلاه فطر
جهد : فين هما فهد و نرجس
الأم : باقين ناعسين
جهد : علاش مقاريينش
الأم : نو حبيبي راه ليوم عندهم عطلة
جهد : أاااه نسيت
خدى كاس قهوة كحلة كملو وناض سلم على مو و خرج خدى لوطو ديالو وخرج نحو سبيلو من بعد مافتحليه الحارس الباب
كان غادي متجه لشريكتو حتى كيوفقف فعلامت صطوب ..... وفجأة كيتحل الباب و كتطلع كتلة لحم سوداء و كتگلس فالكرسي المجاور ليه ... من كترة دهشتو بقى مصدوم فيها حتى نطقت بصوت أنثوي رنان
_ ديني للحي ****
جهد : ( ضحك باستهزاء و بنضرة إستغراب ) سمحيلي ألالة راني ماشي سائق طاكسي ... راكي غالطة
_ ألماس سميتي ألماس .... و ديني فين قلتليك أ جهد معنديش الوقت ...
جهد : ؟!!!!!! ( مدهوش منين عرفت سميتو وشكون هي وكفاش تجرأت تطلع فسيارتو ) أ لالة منين كتعرفيني و اشنو باغة والأهم شكون نتي
ألماس : أووووووف .... قلت ليك سميتي ألماس هادشي كافيك لحد ساعة . ... تحرك راااه حبستي طريق على ناس
جهد تحرك و لقى راسو غادي فين قالتليه حتى وصلو.العين المكان نزلت دون أي كلمة ودخلت وسط شي دروبة وخلت جهد غارق فتفكيرو و فهاد الملتمة لي سلطها علبه الله معرفها من الجن ولا الإنس
استغفر الله ورجع أدراجو لشركتو ولكن أتناء القيادة نتبه لشيء لامع فنفس الكرسي لي كانت فيه ألماس مد يدو وهزو فإدا كيتصدم فهاد شيء الغريب شيء لي خلاه يحبس الفران بسرعة بقى كيحقق فأشنو هادشي لي بين إديه ولي كان عبارة عن جمجمة جد صغيرة بعيون حمراء بقى كيشوف مباشرة فالعيون حتى صدع ضوء كالبرق خلاه يغمض عينو من قوتو
جهد : بفففف أش هادشي .... ماتليت فاهم والو
حطو فمجر السيارة و أكيد فدماغو أول حاجة ملي يشوفها يسولها عليه
جهد : وايلي من نيتك .... أش غتشوف ..... وباش غتعرفها أصلا ..... و لكن إحساسي أنني غنعاود نشوفها أكيد ... و متأكد إحساسي ماغيخيبنيش
كمل طريقو وصل لشركتو وطلع نيشان لمكان الإجتماع
وهو فطريقو اي واحد داز من حداه كيلقي عليه تحية
دخل و گلس فمكانو من بعد ما ألقى سلام
جهد : يلاه نبداو
بدا فتحاور بسيط وسطحي مع مالين صفقة مي لي فاجؤو أنهم وافقو بكل بساطة مع أن الصفقة عليها منافسة كبيرة كفاش خداها بهاد البساطة أكيد هو كان غياخدها سواء طال زمان أولا قصار مي بهاد البساطة هادي لي خلقت عدة إستفهامات عند جهد
كمل الإجتماع و وقع الصفقة و اتجه المكتب
عاد غيگلس تا جات فبالو وضهرت إبتسامة على محياه
جهد : زعما ليقاء بيها .... هو سبب ربحي الصفقة .... آااااه أجهد مالك بديتي تخرف تاني ....... آااااه منك يا دات الخمار ....
كمل خدمتو ورجع البيت فآخر الليل كيف دخل لقى أمو فإنتضارو
الأم : ولدي تعطلتي .... كيف داز الإجتماع
جهد : نور عيني باقة فايقة .... حمد لله بيخير ( كان حاير وواش يعاود لها على ألماس أولا لا مي اش غيعاود ) ... يلاه نطلعو نعسو ... تعشيتي بعدا
الأم : علاش دوز ليا بلا بيك
جهد : الله يخليك ليا ... مي ماتبقايش تصهري راااه خايب ليك
الأم : ( حطات العشى ) نهار لي تبدى ترجع الدار بكري تما غنبقى نعس حتى أنا
تعشاو وكل طلع البيتو
جهد دخل البيتو خدى دوش و خرج نعس فوق سريرو مي قبل مايغمض عينيه جات فبالو ضهر شبح ابتسامة ونعس
دازو يومين بنفس الروتين وهو كل تفكيرو مع ألماس
كان مشى الحال وهو باقي غارق فشغالوو مع كمل خرج خدى سيارتو وكل تفكيرو معاها
جهد : شنو زعما عمري غنرجع نسمع صوتها .... أووووف أشمن تعويدة لقات عليا حتى خلاتني غارق فيها ليل و نهار
وهو غارق فتساؤولاتو حتى كيشوف شي حد كيشير ليه و وقف قدام سيارتو بسرعة حبس الفران وبطريقة إحترافية تجاوز ديك كتلة اللحم لي كانت قدامو .... من بعد ما وقف سيارة تحل الباب و طلعت نفس الرائحة لي كان شمهى فيها اليوم الأول
ألماس : أوووف أ جهد فين تعطلتي غا قول ليا
جهد : واااش نتي مريضة ولا ماااالك آااااااا فين كتشوفي و أش كديري هنا فهاد الليل حماقيتي ولا مالك
ألماس : صافي أحبيبي ماتقلقش ... راااه كنت غادوز و ماتشوفنيش داكشي علاش جيت قدام طونوبيل .... صافي لا مابغيتيش تشوفني أنا غادة فحالي
جهد : ( بينو وبين نفسو ) قالت حبيبي لا واش سمعت مزيان ولا غا كنتوهم وايلي ... نعام فين غتمشي ... وهو لي كان يعطي حياتو كاملة باش يرجع يشوفها
ألماس عاد كانت ناوية تهود و هو يشدها من يديها بتاسمات بخبت تحت خمارها ورجعات سدات الباب وشافت فيه
جهد : ( بجمود ) لاش خارجة فهاد الوقت واش ماكاتخافيش امم
ألماس : ( شافت جيهتو ) لا أحبيبي وأصلا ماشي ألماس لي تخاف لي وقف فطريقي هو لي خصو يخاف ( قالتها بصوت يشبه فحيح الأفاعي شيء لي خلا جهد يسرط ريقو حيت لحد الآن ماعارف راسو مع جن ولا إنس )
جهد : اممم .. و أش قصت هاد حبيبي لي من صباح ونتي تعيطي ليا بيها
ألماس : ( ضحكات بسوط مرتافع ) هههههه وعلاش لا ماقلتش ليك نتى حبيبي لمن نقولها .... سمعني أ جهد .. ( بنبرة صارمة ) ... ودير هاد الكلام حلقة فودنيك ومن ليوم غطعطي تيساع لجنس حواء تفاهمنا ... ولا غتجيب أخرتك و أخرت لي غتكون معاك ... أه وغا تعود من دبا عل كلمت حبيبي .... حيت أنا حبيبتك و نت حبيبي .... و أنا قدرك ونت قدري .... و قبل ولادتك عقد زواجنا تسجل فالسموات .... فهمتيني ..... يعني قبل ما تستنشق أول نفس ..... تكتب علينا نكونو البعض ... ألماس لجهد .... وجهد الألماس
جهد : (بقى مصدوم فيها ) تي أش كتخربقي تاني اممم .... أش هاد اللعب و أصلا شكون نتي وعلاش مخبية وجهك .... وااااش حتى لهاد الدراجة خايبة حتى ماكاتجرئيش حتى تحيدي لتام على وجهك امممم
ألماس : ( جاوباتو ببرود ) تيقني أ جهد لحد ليوم عمرك شتي شي واحد بجمالي . . وعمرك غتشوفو لي هدا ف غير حيد فكرة أني خايبة من بالك ... لأن جمالي كيخلي نجوم السماء تنحني إكراااما ليااااا
جهد : ( ضحك باستهجان ) ههههه داكشي علاش مغطياه لو كان كلامك صحيح فعلاش تغطي وجهك
ألماس : إلا ماتيقتينيش هاني قدامك حيد الخمار بديك و تشوووف أكثر ما أبدع فيه الخالق . .. جمالي لا يقاوم .... لدلك أنا مغطياه و إلا ماتيقتيش حيد الخمار أجهد بيديك وديك ساااع .... غتشوفني .... مي كنحدرك حيييت لا شفتيني دابا غيطرى ما لا يحمد عقباه .... و غيوقع لي خايفة منو. ... أنا موجودة باش نعتقك من قدرك المشؤوم ونعتق راسي .... لدلك ماخاصكش تشوفني حتى الإكتمال القمر
جهد : اش كتخربقي نت واش لاباس كفاش قدر مشؤوم و اكتمال القمر أش هاد الخزعبلات واش نتي لاباس
ألماس :( لاحضت توترو و الخوف لي ضهر عليه ) ( بصوت حنون وعدب ) حبيبي ... أنا معاك ماتخافش و أنا هنا باش نحميك ( حيدات ليگة فالأسود من يديها وحطاتها على دقنو ) أنا معاك و دابة سوق فإتجاه الطريق السريع لجيهت الخرجة ديال المدينة
جهد : ( بينو وبين نفسو ) آآآآه من لمسة إدها الحنونة كفاش غير من لمسة خدراتو كفاااش خضع ليها ( هز راس أعلى أسفل بمعنى أه
ولتفت لطريق و تجه فييين قالت ليه
هو بقى سايق وغادي وهي كتشوف فيه حتى كسر الصمت جهد
جهد : ألماس. . .. واش باقي بعيد
ألماس : نو قربنا .... زيد شوية فسرعة باش نوصلو
جهد : نو هنا كاتكون مراقبة لطريق ... ( قاطعاتو غزرب )
دار بكلامها وزاد فالسرعة حتى كايبانو ليه البوليس فطريق
#يتب______ع...
المرجو ترك تعليقا لتشجيعنا